БШУЯ-наас 10 сая төгрөгөөс дээш төлбөртэй сургуулиудад хувьсах зардал олгохгүй хэмээн шийдвэрлэж байсан билээ. Энэ асуудлаар салбарын сайд Л.Энх-Амгалан тайлбар хийлээ.
Тэрбээр "Өнөөдрийн байдлаар манай улсад хувийн хэвшлийн 167 дунд сургуульд 48,300 суралцагч сурч байна. Нийслэлд 128 сургуульд 40,200 хүүхэд сурч байна.
10-аас дээш сая төгрөгийн сургалтын төлбөртэй 12 ЕБС-д КОВИД-19-ийн тухай хууль болон түр журмын заалтыг үндэслэн хувьсах зардлыг нь олгоогүй.
Харин 10-аас саяас доош төлбөртэй сургуулиудад хувьсах зардлыг олгохдоо гурван нөхцөл тохирсон.
- Теле, цахим хичээлийн ирцийн ирцийн гүйцэтгэлийг хянана
- Сургалтын үйл ажиллагаа тасралтгүй зохион байгуулсан тайланг нь авах
- ЕБС-ийн хувьд сургалтын төлбөрт хөнгөлөлт үзүүлсэн байдлыг үндэслэж хувьсах зардлыг олгосон.
Төрөөс үзүүлж байгаа хөнгөлөлттэй холбоотойгоор сургуулиудын зардалд нөлөө үзүүлсэн байсан. Тухайлбал, нэг сурагчид оногдох хөнгөлөлт нь 100-300 мянган төгрөг болж байна. Тиймээс сургуулиудыг төлбөрийн хөнгөлөлт үзүүлээрэй гэсэн" гэв.
Эх сурвалж: shuurhai.mn