Дуучин С.Сэрчмаа, Б.Батчулуун нар замын түгжрэлд онигоо ярьж байгаа нэрийн дор садар самуун, хүчирхийллийн тухай ярьсан юм. Тодруулбал, Б.Батчулуун найзынхаахүчингийн хэрэг үйлдэхээр завдсан үйлдлийг ярихад С.Сэрчмаа тас тас хөхөрч хоёулаа инээдэм болгон ярьсан нь олон нийтийн эгдүүцлийг хүргэсэн юм. 

Тэдний үйлдлийг эсэргүүцсэн Капитрон банк Б.Батчулуунтай хамтын ажиллагааны гэрээгээ цуцалсан бол 25 дугаар суваг телевиз дуучин С.Сэрчмаагийн нэвтрүүлгийг дахиж гаргахгүй гэсэн юм. 

Харин энэ үйлдэлдээ Б.Батчулуун тайлбар өгчээ. Гэхдээ тэрбээр хүчингийн хэрэг үйлдэхээр завдсан үйлдлийн онигоо байсан хэмээн тайлбарласан байна. 

Тэрбээр "Сээлийгийн нэвтрүүлэгт орчихоод хот орох ажилтай учир Сээлийгийн машинд дайгдаад яармагаас хот хүртэл 6 цаг гаран түгжирсэн юм. Тэр хооронд лайв хийгээд хэсэг онигоо ярив. Би ч дотроо санаа зовжил байлаа.... Арай л хаард онигоо ярьчихав уу даа гээд.... Уг нь ч хот тэр чигтээ түгжрээд бухимдалтай байхад нь жоохон ч гэсэн хөгжөөе гэсэн санаатай байсийм уул нь.... даан ч хужир нь ихдээд түмэн олныг дэндүү бухимдуулчихлаа. Олон нийтийн сүлжээгээр болох болохгүй зүйл донгоссон нь миний түмэн буруу. Та бүгдийг энэ өвчин зовлон гээд сэтгэл санаа хүнд байхад нэмэр болохын оронд нэрмээс болж стрэстүүлсэндээ томоос том хүлцэл өчье.

+ 18 онигоог хүн бүхэн л дор бүрдээ ярьдаг байх .... гол нь олон нийтийн сүлжээгээр ярих ч юм байна ярихгүй ч юм байна гэдгийг хүмүүс анзаарч сургамж авсан бизээ. Надад бол томоос том сургамж боллоо. Харин Сэрчмаад ямар ч буруу байхгүй шүү! Би л гэж нэг шаврын хаалт машинд нь үсэрч суугаад садар самуун онигоо яриад Сээлийгээ хөлдөө чирчихлээ. Инээд муутай л даа Сэрчмаа . Байнга л инээж явдаг юм.

Харин хазайсан дээр нь гэгчээр Капитрон банк, яруу найрагч Шүүдэрцэцэг, хийлч Байгалаа, дуучин Ариунаа болон нүүр буруулж буй бүх хүмүүст хэлэхэд онигоо ярьсан болохоос гэмт хэрэг хийгээгүй шүү дээ ! Бүү туйлшрал даа л гэж хэлье дээ.

Олон нийтийн сүлжээнд садар самуун онигоо ярьсан би тэнэг !!" гэжээ.