Монгол Улсын Ерөнхийлөгч Үндсэн хуулийн цэцэд хандаж, Монгол Улсын шүүхийн тухай хуулийн зарим зүйл, заалт, тухайлбал, Шүүхийн Ерөнхий Зөвлөлийн бүрэлдэхүүн, түүний бүрэн эрхийн хугацаа, томилох, сонгох журам, Шүүхийн Сахилгын хорооны бүрэлдэхүүн, тус хорооны хуралдаан, шийдвэрийн талаархи зохицуулалт болон Улсын дээд шүүх, давж заалдах, анхан шатны шүүхийн бүрэн эрхтэй холбоотой зарим заалт Үндсэн хууль зөрчсөн эсэхийг тогтоолгох тухай хүсэлтийг ирүүлсэн билээ.
Дээрх хүсэлтийн дагуу үүсгэсэн маргааныг хянан хэлэлцэх Үндсэн хуулийн цэцийн дунд суудлын хуралдааныг 2021 оны 04 дүгээр сарын 21-ний өдөр хийхээр товлоод байна.
Өмнө нь Ерөнхийлөгч Х.Баттулга Ерөнхийлөгчийн сонгуультай холбоотой асуудлаар, товчхон хэлбэл өөрөө нэр дэвших боломжтой гэх агуулгаар ҮХЦ-д 2 удаа хандаж, бүр өөрийн биеэр очиж байсан удаатай. Үүнийх нь хариуд Цэцийн дарга Чинбат тайлбар мэдээлэл хийж, олон нийтийг багагүй бухимдуулсан.
Цэц гэдэг бол Үндсэн хуулийн дээд байгууллага. Тиймдээ ч бүх зүйлсээс хараат байх учиртай. Гэвч Ерөнхийлөгч өөрийн биеэр очиж тайлбар мэдээлэл авсан нь аль аль талдаа хууль, ёс зүй зөрчсөн асуудал болсон.
Харин энэ удаа Цэц өмнөх алдаагаа ухаарсан байх нь гарцаагүй. Тиймээс Ерөнхийлөгчийн энэ удаагийн хүсэлт биелэгдэхгүй байх өндөр магадлалтай юм.
Эх сурвалж: shuurhai.mn Г.ОЧИР