Энэхтэг улсад коронавирусийн халдвар хяналтаас гарч, олон арван мянган хүн нас барсаар байгаа юм.
Халдвараас зугтааж зарим хөрөнгөтэй хүмүүс гадаад улсыг зорьж байгаа талаар мэдээлэл гараад байгаа. Энэ мэдээлэл гарахтай зэрэгцэн энэ сарын 25-26-ыг шилжих шөнө Нью-Дели-Улаанбаатар чиглэлийн онгоцоор 72 хүн Монголд ирсэн байна. Тус нислэгт багтсан 72 хүний 11 нь монголчууд бол үлдсэн 61 нь энэтхэг хүмүүс байжээ.
Энэ нь халдвараас зугтаасан энэтхэг баячууд манай улсад ирсэн гэх мэдээлэл тараад байгаа юм.
Харин энэ асуудлаар Улсын Онцгой комиссын Шуурхай штабаас тайлбар хийлээ.
Тодруулбал, тус нислэгээр ирсэн Энэтхэг улсын 60 иргэн нь нарийн мэргэжлийн техник инженерийн ажилчид бөгөөд Дорноговь аймгийн Алтанширээт суманд газрын тос боловсруулах бүтээн байгуулалтын ажилд оролцохоор ирсэн аж. Харин Монголын 11 иргэний хувьд Энэтхэгт урт хугацааны туршид эмчилгээ хийлгэж байгаад иржээ. Энэтхэгээс ирсэн ажиллах хүчийг Дорноговь аймгийн Алтанширээт тусгаарласан бөгөөд бүгд вакцины хоёр дахь тунд хамрагдсан, PCR шинжилгээтэй байсан гэдгийг хэллээ.
Эх сурвалж: shuurhai.mn
