ХӨСҮТ-ийн эмч, мэргэжилтнүүд нэр бүхий хүмүүс коронавирусийн шинжилгээтэй холбоотой хууль зөрчсөн ноцтой үйлдлүүд гаргадаг талаар бид өмнө нь мэдээлж байсан. PCR шинжилгээг үнэ төлбөртэй авдаг, сөрөг гаргаж өгдөг, нэг минутанд хариу гаргадаг гэх мэт.
Тэгвэл энэ асуудлаар УОК-ын дарга С.Амарсайхан ноцтой тайлбарыг хийлээ.
Тэрээр:
-Эрүүл мэндийн салбарт 18 мянган эмч ажилтнууд ажиллаж байгаа. Гарын 10 хуруунд багтах цөөн хэдэн хүний асуудлаас болж тэдгээр олон мянган ажилтнууд буруудах ёсгүй.
Асуудлын хувьд PCR шинжилгээний хариу хамгийн багадаа 6 цагийн дотор гардаг. Гэтэл 15 минутын дотор, дээд тал нь 1 минутын дотор гаргаж өгдөг. Сөрөг болгоод бичээд өгдөг. Хууль хяналтынхан шалгаж байгаа. Нэг удаагийн мэдээллээр гэхэд 400 хүний хариуг гаргаж өгсөн. Үүн дотор маш хариуцлагатай хүмүүс байгаа. Тэднийг ажлаас чөлөөл гэж байгаа.
Халдварыг улаан бүс гэж тогтоочихоод эмч сувилагч руугаа ордоггүй. Эмчилгээ үйлчилгээний заавар өгдөггүй. Тэнд юу болж байгааг ч мэддэггүй хэдэн албан тушаалтан бий. Гадаадын бүх зээл тусламж авдаг. Хүндээ, байрандаа хөрөнгө оруулалт хийдэггүй. Очоод шинэчлэл хийх гэсэн хүмүүсийг хөөж явуулдаг. Зохион байгуулалталд орчихсон.
Анх би ХӨСҮТ дээр очиж ажиллаад энэ талаар сануулж хэлсэн. Тэнд тийм байхад С.Амарсайхан, хэчнээн ажиллаад УОК хэчнээн ажиллаад хэрэггүй. Машиндаа гарч шинжилгээ авдаг. Цүнх цүнхээр мөнгө авлаа гэдэг асуудал бий. Улсаас үнэгүй шинжилгээ хий гээд зардлыг даагаад байдаг. Гэтэл цаанаа уул уурхай, ХАА компаниудаас цүнх цүнхээр нь мөнгө аваад шинжилгээг хийж өгөөд байдаг. Иргэд шинжилгээ удаад байна гэдэг, ард нь төлбөртэй хүмүүсээ урдуур нь шахдаг асуудал байна” гэсэн юм.
Эх сурвалж: shuurhai.mn Г.ОЧИР
