Ерөнхийлөгчийн сонгуульд нэр дэвшигчид баримт бичгээ Сонгуулийн ерөнхий хороонд хүлээлгэн өгч байна. Энэ удаагийн Ерөнхийлөгчийн сонгуульд М.Тулгат даргатай АН-аас УИХ-ын гишүүн асан С.Эрдэнэ, О.Цогтгэрэл даргатай АН-аас УИХ-ын гишүүн Н.Алтанхуяг нар нэр дэвшихээр болсон.
Тэгвэл СЕХ хоёр талын нэр дэвшигчийн материалыг хүлээн авахаас татгалзлаа.
Энэ талаар СЕХ-ны дарга П.Дэлгэрнаран "Үндэсний аудитын газар нэр дэвшигчдийн мөрийн хөтөлбөрийг ирүүлнэ. Хуулиар аудит хийсэн мөрийн хөтөлбөрийг ирүүлдэг.
Улс төрийн намууд дангаараа болон хамтарч зөвхөн нэг хүнийг нэр дэвшүүлнэ гэсэн заалт бий. Нэг намаас нэг нэр дэвшигч тодрох ёстой. Ардчилсан нам хоёр хүнийг нэр дэвшүүлсэн. Мөн Үндэсний аудитын газар хоёр мөрийн хөтөлбөр хүргүүлсэн. Үндсэн хуулийн болон Ерөнхийлөгчийн сонгуулийн тухай хуулийн нэг намаас нэг хүнийг нэр дэвшүүлнэ гэдэг заалтаар маргаан үүсэх шинжтэй байна. Энэ асуудлыг АН өөрөө дотооддоо шийдвэрлэхийг хүсэж байна" гэв.
