УИХ-ын гишүүн Ш.Адьшаа чуулганы хуралдаан явуулахгүй үймүүлж байгаа тул Дэгийн тухай хуулиар сануулах арга хэмжээ авсныг УИХ-ын дарга Г.Занданшатар хэлэв.
Харин шударга ёс байхгүй, хүний эрхийг хангахгүй байгаа эрх баригчдыг шүүмжилж, эсэргүүцлээ илэрхийлсэн УИХ-ын гишүүн Ш.Адьшаа “Би гишүүнээсээ татгалзаж байна. Гишүүний үнэмлэхээ хурааж аваарай, Г.Занданшатар даргаа. Хойд Солонгос Улсад амьдарч байгаа биш дээ. Та 76 хүүхдийн аав. Харин АН-ын 13 гишүүн хойд аавтай юм уу. Улс төрийн эрхээ эдэлж, үг хэлэх, үзэл бодлоо илэрхийлэх эрхтэй биз дээ. Үнэхээр харамсаж байна” гэсэн юм.
Харин үүний хариуд УИХ-ын дарга Г.Занданшатар “А.Адьшаа гишүүний хэлсэн үгийг тэмдэглэж аваарай” гэв.
