fbpx Солонгосын дайныг албан ёсоор дуусгах боломжийг хэлэлцэнэ
 
Ангилал
Дэлхий дахинд
Хэзээ
2021/10/12
Унших
2 минут 18 секунд

Солонгосын дайныг албан ёсоор дуусгах боломжийг хэлэлцэнэ

СӨҮЛ. /KBS World/. Солонгосын дайн дууссан тухай тунхаг бичигт гарын үсэг зурах Ерөнхийлөгч Мүн Жэ Иний саналыг БНСУ АНУ-тай хэлэлцэнэ гэж Вашингтонд айлчилж буй Өмнөд Солонгосын Ерөнхийлөгчийн засаг захиргааны үндэсний аюулгүй байдлын газрын дарга Со Хун сэтгүүлчдэд мэдэгджээ.

“Солонгос хоорондын харилцаа холбооны шугамуудыг сэргээсэн тул хоёр Солонгос, мөн Умард Солонгос, АНУ-ын хамтын ажиллагааг эрчимжүүлэх шаардлагатай байна. Ерөнхий зөвлөгөөнийг энэ асуудалд зориулна” гэж Со Хун хэлсэн байна.

Үүний зэрэгцээг тэрбээр Солонгосын дайн дууссан тухай тунхаг бичигт гарын үсэг зурах Ерөнхийлөгч Мүн Жэ Иний саналыг АНУ дэмжих эсэх асуултад тодорхой хариулт өгөхөөс зайлсхийжээ. Гэхдээ энэ асуудал хэлэлцэх сэдвүүдийн дотор багтсан болохыг нотолсон байна.

Со Хун АНУ-ын Ерөнхийлөгчийн үндэсний аюулгүй байдлын зөвлөх Жейк Салливантай өнөөдөр уулзах төлөвтэй байна.

НҮБ-ын Ерөнхий Ассамблейн 76 дугаар чуулганы хуралдааны үеэр БНСУ-ын Ерөнхийлөгч Мүн Жэ Ин Солонгосын дайн дууссан тухай тунхаглалд аль болох түргэн гарын үсэг зурахыг уриалсан юм. Солонгосын дайн буюу БНАСАУ /Умард Солонгос/, БНСУ-ын /Өмнөд Солонгос/ хооронд болсон зэвсэгт мөргөлдөөн 1950 оны зургаадугаар сарын 25-нд эхэлж, 1953 он хүртэл үргэлжилсэн юм. Энэ дайнд Өмнөд Солонгосыг АНУ ба өрнөдийнхөн, Умард Солонгосыг ЗХУ, БНХАУ зэрэг коммунист орнууд дэмжиж байсан бөгөөд талуудын хооронд түр эвлэрэх гэрээ байгуулсан учир одоог хүртэл албан ёсоор дуусаагүй байгаа билээ.

Солонгосын Хөдөлмөрийн намын Төв хорооны суртал ухуулгын хэлтсийн орлогч дарга, БНАСАУ-ын удирдагч Ким Жөн Уны дүү Ким Ё Жон БНСУ-ын Ерөнхийлөгч Мүн Жэ Иний саналыг “сонирхол татахуйц, сайхан санал” гэж мэдэгдсэн юм.

Д.Жаргал

Эх сурвалж: Монцамэ агентлаг

БШУЯ: Сурах бичиг нэг бүрд дүн шинжилгээ хийж дууслаа
УИХ-ын гишүүн Ц.Анандбазарт хүчиндүүлсэн гэх эмэгтэй амиа хорлохыг завдсан гэв
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Зочин

    Солонгос мэдээ сонирхоно уу https://www.youtube.com/watch?v=SYCtpimK_hc

Шинэ мэдээ