Реппер, ая зохиогч, продюсер "Lil Thug E" нь цусны цочмог хорт хавдартай болох нь оношлогдон яаралтай чөмөг шилжүүлэн суулгах мэс засал хийлгүүлэх шаардлагатай болж гадны улсыг зорьсон юм. Түүний найз бүсгүй хамт явж чадаагүй учир өөрийн цахим хуудастаа “Энэ бүхэн дууссаны дараа удахгүй уулзана” хэмээн санаж буйгаа илэрхийлжээ.
LilThug-ийн эмчилгээний зардалд эхний ээлжинд 650 сая төгрөг хэрэгтэй болсон тул урлаг соёлын найзууд нь хандивын олон ажлууд эхлүүлээд байгаа билээ. Өнгөрсөн долоо хоногт репперүүдийн лайв тоглолт болон сагсан бөмбөгийн 3x3 тэмцээн амжилттай зохиогдсон бол үргэлжлүүлэн нийтийн дуучид, рок поп, хип хоп дуучдын тоглолт, сагсны лигүүдийн тулаан гээд олон арга хэмжээгээр үргэлжлэх юм.