Хайр дурлалын тал дээр дуулиан шуугиантай амьдардаг Шүүдэрээ гадаадад сурч амьдрахаар АНУ-г зорьсон билээ. Явсан даруйдаа шинэ газарт дасан зохицохын тулд хэсэг нам жим байсан бол Ардын аниа Жижи, Цацрал гэх АНУ-д амьдардаг бүсгүйчүүдийн бичлэгт хаа нэг харагдах болсоноор сошиалд эргэн ирсэн юм.
Тэрээр Miss Asia USA буюу Америкад амьдардаг Ази бүсгүйчүүдийн дунд зохиогддог тэмцээнд Монгол улсаа төлөөлөн оролцож байгаа гэнэ. Энэхүү тэмцээнд Б.Хандаа гэх бүсгүй 2009 онд хамгийн анх улсаа төлөөлөн оролцож 3-р байр эзэлж байсан бол 2018 онд Д.Цацрал “Miss Global Ambassador” титмийн эзэн болж байжээ. Жүжигчин Шүүдэрцэцэг олон сарын турш шаргуу хөдөлмөрлөж хичээж байгаа мөн California, Los Angeles хотуудад байгаа Монголчуудыг ирэх 11-р сарын 20-нд ирж өөрийг нь дэмжихийг хүслээ.