АНУ-ын Ерөнхийлөгч Жо Байденд итгэхгүй байгаагаа илэрхийлсэн рейтинг дээд хэмжээнд хүрч, америкчуудын ердөө 42 хувь нь төрийн тэргүүний үйлдлийг дэмжиж байгааг NBC News сувгийн санал асуулга харуулжээ.
Санал асуулгад оролцогчдын 54 хувь нь Байдены ерөнхийлөгчийн бодлогыг дэмжихгүй гэж хариулжээ. Байден ерөнхийлөгчөөр сонгогдоод ердөө есөн сарын хугацаа өнгөрч байгаа. Гэвч энэ хугацаанд Ерөнхийлөгч зарим асуудлыг хэрхэн зохицуулж шийдвэрлэж байгаа нь түүний үнэлгээ ийнхүү огцом буурахад хүргэжээ.
Аравдугаар сард санал асуулгад оролцогчдын 51 хувь нь Ерөнхийлөгчийн коронавирусын тахлын эсрэг авах арга хэмжээг дэмжиж байгаагаа илэрхийлж байв. Харин Америкийн удирдагчийн эдийн засгийн талаар хэрэгжүүлж буй бодлогыг 2021 оны дөрөвдүгээр сард иргэдийн 52 хувь дэмжиж байсан бод харин өнгөрсөн сард дөнгөж 40 хувь нь дэмжсэн байна.
Судалгааг явуулсан Hart Research Associates-ийн социологич Жефф Хорвитт "Байдены Ерөнхийлөгчийн албан тушаалын амлалтууд, мэдлэг, чадвар, хүнд хэцүү үед сорилтод орлоо" гэж тэмдэглэжээ.
Түүний рейтинг буурсан талаар өмнө нь Байден тайлбар хийж байсан. Тэрээр нийгмийн санал асуулгын үр дүнд анхаарал хандуулдаггүй, нийгмийн зөвшөөрөл авах шаардлагагүй гэж мэдэгдэж байсан юм..