Арваннэгдүгээр сарын 1-нээс урлаг соёл болон спортын арга хэмжээг 50 хувийн үзэгчдийн дүүргэлттэй эхлүүлэх шийдвэрийг Засгийн газраас гаргасан. Үүнтэй холбогдуулж, Ерөнхий сайд Л.Оюун-Эрдэнэ байр сууриа илэрхийлж, мэдээлэл өглөө.
Энэ үеэр сэтгүүлчид БНХАУ-тай хиллэдэг хилийн боомтуудын үйл ажиллагаа доголдсоноос болж дотоодод өргөн хэрэглээний бараа бүтээгдэхүүн хомсдож буй асуудлыг тодрууллаа.
Үүнд Ерөнхий сайд Л.Оюун-Эрдэнэ “БНХАУ-ын хэрэгжүүлж буй журмаар сүүлд халдвар огт бүртгэгдээгүй өдрөөс хойш 21 дараа хилийн боомтуудаа нээнэ. Бид өглөө бүр мэдээлэл авч байгаа. Халдвар гармагц л 21 хоног сунгагдах нөхцөл байдал үүсээд байна. Эрээн хот ч хүнсний бүтээгдэхүүний хомсдолтой байна” гэж онцоллоо.
