fbpx М.Вуйнович:Сүргийн дархлаа хангалттай хэмжээнд хүрсэн үед дэлхий даяар коронавирусын тахал дуусна
 
Энэ мэдээ хуучирсан буюу 2021/11/03-нд нийтлэгдсэн мэдээ болно.
Ангилал
Дэлхий дахинд
Огноо
Унших
3 минут 32 секунд

М.Вуйнович:Сүргийн дархлаа хангалттай хэмжээнд хүрсэн үед дэлхий даяар коронавирусын тахал дуусна

ДЭМБ-ын төлөөлөгч Вуйнович: Дархлаа багатай бол 6 сарын дараа дахин вакцин хийлгэх шаардлагатай.

Сүргийн дархлаа хангалттай хэмжээнд хүрсэн үед дэлхий даяар коронавирусын тахал дуусна. Энэ талаар ДЭМБ-ын Орос дахь төлөөлөгч Мелита Вуйнович "Россия-1" телевизийн эфирт ярьжээ.

Түүний хэлснээр богино хугацаанд хангалттай вакцин хийлгэсэн, дархлаатай хүмүүстэй болох шаардлагатай байна. Энэ нь вирус тархахаас сэргийлнэ гэжээ.

Сүргийн дархлааг хэрхэн бий болгох вэ
Вуйнович коронавирусын эсрэг тэмцлийн үр нөлөөг хүн амын хандлага, тахал өвчний эсрэг хязгаарлалтыг бодитоор хэрэгжүүлэхтэй холбон тайлбарлав. ОХУ-д нэвтрүүлсэн ажлын бус өдрийн дэглэмийг үнэлж, COVID-19-ийн тохиолдлын өсөлтийг бууруулахын тулд 20 сараас дээш хугацаанд яригдсан бүх арга хэмжээг дагаж мөрдөх нь нэн чухал гэдгийг онцлон тэмдэглэв.

ДЭМБ-ын төлөөлөгч хэлэхдээ, хэрэв тухайн хүн дархлаа султай бол зургаан сарын дотор коронавирусын эсрэг вакцинд хамрагдах шаардлагатай. Өөрөөр хэлбэл, эрүүл мэнд муутай хүмүүст одоо вакцины нэмэлт тунгаа хийлгэхийг зөвлөж байна.

Арваннэгдүгээр сарын 1-ний байдлаар ОХУ-д сүргийн дархлааны түвшин 46.8 хувьд хүрсэн байна. Түүнчлэн 50,960,796 хүн коронавирусын эсрэг вакцины бүрэн тунд хамрагджээ. "Роспотребнадзор"-ын тэргүүн Анна Попова Орост коронавирусын эсрэг вакцинжуулалтын хэмжээ нэмэгдэж байна гэж үзэж байна. ОХУ-ын насанд хүрсэн хүн амын дунд COVID-19 вакцин хийлгэсэн эсвэл өвчлөөд эдгэрсэн хүмүүсийн тоо дор хаяж 80 хувь байх ёстой гэж үзэж байна.

Бустер тун ба тэгш бус байдал

Гэсэн хэдий ч ДЭМБ нэмэлт вакцин буюу бустер тунгийн талаар өөр бодолтой байгаа. ДЭМБ-ын тэргүүн Тедрос Адан Гебрейесус нэмэлт тунгийн үр нөлөөг үгүйсгээгүй ч вакцинжуулалтын тэгш бус байдалд сэтгэл зовниж байгаагаа илэрхийлдэг. Тухайлбал, хөгжингүй орнууд дахин вакцинжуулалтын хөтөлбөр хэрэгжүүлж байхад хүн төрөлхтний үлэмж хэсэг нь дор хаяж нэг тун вакцинаа ч авч амжаагүй байна. . Түүний хэлснээр, өнөөгийн энэ байдал нь "хамтын ухамсар дахь толбо" юм гэжээ.

НҮБ-ын Ерөнхий нарийн бичгийн дарга Антонио Гутерриш ч мөн ийм байр суурьтай байна. Дэлхий даяархи вакцины жигд бус хуваарилалт нь коронавирусын шинэ омгийг бий болгоход хүргэж байгааг НҮБ-ын тэргүүн онцолжээ. Тэрээр Их 20-ийн баян орнуудад хандан 2021 оны эцэс гэхэд дэлхийн хүн амын 40 хувийг вакцинд хамруулахын тулд найман тэрбум ам.доллар гаргахыг уриалаад байна. Түүний хэлснээр уг өвчний хохирогчдын тоо нэмэгдэхийн зэрэгцээ дэлхийн эдийн засгийн уналт үргэлжлэхэд вакцины тэгш бус байдал нөлөөлж байна гэжээ.

Энэ сарын 1-ний өдөр ОХУ-д коронавирусын 40402 шинэ тохиолдол илэрсэн. Иигэснээр цар тахал эхэлснээс хойш ОХУ-ын хэмжээнд бүртгэгдсэн нийт халдварын тоо 8,554,192 болжээ.

Эх сурвалж:Lenta.ru

Монгол гэж орилсон болгон монголын төлөө биш
Монгол гэж орилсон болгон монголын төлөө биш
 
МУГЖ, дуучин Т.Баясгалан Сакура сургуулиа зарсанд тус сургуулийн сурагчдын эцэг эхчүүд бухимджээ
МУГЖ, дуучин Т.Баясгалан Сакура сургуулиа зарсанд тус сургуулийн сурагчдын эцэг эхчүүд бухимджээ
Энэ мэдээ хуучирсан буюу 2021/11/03-нд нийтлэгдсэн мэдээ болно.

Шинэ мэдээ