Цар тахлын халдварын улмаас Эрээний хилийн боомт хаагдаад хагас сар гаруйн хугацаа өнгөрч байна. Энэ хугацаанд тус хотын оршин суугчдаас тодорхой давтамжтайгаар ПСР-ын шинжилгээ авч байгаа аж. Хилийн боомт хэзээ нээгдэх нь энэ шинжилгээний үр дүнгээс хамаарна.
Харин эх сурвалжийн мэдээлснээр Эрээн халдварын шинэ тохиолдолгүй гурав хонож байгаа аж. Хятад улс хэрэв халдвар нэмэгдэлгүй 14 хоновол дэглэм бууруулж, 21 хоногийн дараа хэвийн үйл ажиллагааг нь үе шаттайгаар буцааж сэргээдэг дотоод журамтай юм байна. Гэхдээ хил нээгдвэл зорчигч биш ачаа л нэвтрүүлнэ.
Эрээнд саатаад байгаа ачаа барааг хилийн бусад боомтуудаар татан авахаар төлөвлөж байгаа гэсэн мэдээллийг холбогдох албаныхан өгч байгаа. Эрээний боомтоор биш өөр боомтоор ачаа оруулж ирэхэд тээврийн зардал нь хамаагүй хямд тусна гэсэн мэдээллийг зарим аж ахуйн нэгжийн төлөөлөл өгчээ.
Г.Хан
