Сүүлийн жилүүдэд залуусыг байлдан дагуулах болсон trap урсгалаар дуулдаг реппер GINJIN буюу Г.Гарьд гэх залууг олон уран бүтээлээр нь таних ч өнгөрөн зун “Бороо” нэртэй дуу нь утгаараа хит болсон билээ.
28 настай залуухан артист өөрийн орны хип хопын хөгжлийн талаарх гадны хүмүүсийн үзэл бодлыг өөрчлөх том зорилготой хэмээн нэгэн ярилцлагадаа дурдаж байсан. Тайвань улсад сурч байхдаа бүх дэлхий даяар хөгжим хийх ёстойгоо ойлгосон гэж ярьдаг тэрээр энэ удаад Монголынхоо уран бүтээлчдийг 90, 2000 ондоо гацсан, мэдрэмжгүй хэмээн хатуухан шүүмжлээд авчээ.