Өнгөрсөн жилийн энэ өдөр буюу 2020 оны арваннэгдүгээр сарын 11-нд манай улсад дотоодод анх коронавирусийн халдвар бүртгэгдэж байлаа.
Тодруулбал, жилийн өмнөх энэ өдөр 21 хоног тусгаарлагдсан олон улсын автотээврийн жолооч болон гэр бүлийнх нь хүнээс коронавирусийн халдвар илэрч, лабораторийн шинжилгээгээр батлагдсан талаар тухайн үеийн Шадар сайд Я.Содбаатар мэдэгдэж байв.
Улмаар тухайн өдөр Засгийн газар шуурхай хуралдаж, Гамшгаас хамгаалах бүх нийтийн бэлэн байдлын зэрэгт шилжүүлж, хатуу хөл хорио тогтоосон юм.
Харин өнөөдрийн байдлаар манай улсад нийт 370,491 тохиолдол бүртгэгдээд байгаагаас 369,146 нь дотоодын халдвар байна. Мөн нийт 631,043 тохиолдол эдгэрсэн бол 1,779 хүн эндээд байна.
Манай улс коронавирусийн эсрэг вакцинжуулалтын ажлыг орон даяар хоёрдугаар сарын 23-ны өдрөөс эхлүүлсэн.
Вакцинжуулалт эхэлснээс хойш вакцины нэгдүгээр тунд хүн амын 69.4 хувь, хоёрдугаар тунд 65.8 хувь нь хамрагдсан бол бүүстер буюу нэмэлт тунгийн дархлаажуулалтад хүн амын 14 хувь хийлгэжээ.