fbpx Авлигын эсрэг үндэсний хороог ахалж байгаа над руу хэн нэгнээр утасдуулаад нэмэр байхгүй
 
Энэ мэдээ хуучирсан буюу 2021/11/11-нд нийтлэгдсэн мэдээ болно.
Ангилал
Нийгэм
Огноо
Унших
3 минут 33 секунд

Авлигын эсрэг үндэсний хороог ахалж байгаа над руу хэн нэгнээр утасдуулаад нэмэр байхгүй

Цахим засаглалд шилжих, хүнд суртал, авлигагүй төрийн үйлчилгээг бүрдүүлэх үндэсний хорооны ээлжит хурал өнөөдөр боллоо.

Тус Үндэсний хорооны дарга, Ерөнхий сайд Л.Оюун-Эрдэнэ таван чиглэлээр үүрэг өгөхдөө өнгөрсөн зургаан сард төрийн өндөр албан тушаалтнуудтай холбоотой 85 хэрэг шүүхээр эцэслэгдэж байгааг онцлоод шаардлагатай бол цаашид нийтэд мэдээлдэг эрх зүйн системд орох боломжтойг хэллээ.

Төрийн албан хаагчидтай холбоотой авлига, албан тушаалын хэргийн талаарх мэдээлэл их ирдгийг Ерөнхий сайд онцоллоо. Тэрбээр "Өнгөрсөн зургаан сард 700 орчим асуудлууд үүссэнээс 85 нь шүүхээр эцэслэн шийдэгдэж байгаа. Тэр дунд таньж мэддэг ч хүн байна. Томилсон гишүүнээрээ утасдуулаад аргална гэдэг итгэл үнэмшил байсан байх. Намайг Авлигын эсрэг үндэсний хороог ахалж байхад над руу хэн нэгнээр утасдуулаад нэмэр байхгүй. Цаашид энэ ажил улам эрчимжинэ. Ингэж байж авлигад цэг тавихгүй бол Монгол Улсад хэн ч хөрөнгө оруулахгүй, бизнесийн энгийн орчин бүрдэхгүй. Тиймээс хатуу байна гэдгээ илэрхийлсээр байгаа. Шаардлагатай бол зарлаад явах эрх зүйн системд орж болзошгүй.

Авлигын эрүүгийн хууль хөнгөн юм билээ. Хэрэг хийчхээд гадагшаа гараад явчихдаг. Тэндээсээ сүртэй мэдэгдэл хийгээд явдаг. Цаашдаа үүнийг цэгцлэх ёстой. Авлигын хэрэг хийчхээд хялбаршуулсан журмаар шийдэгдчихдэг, ял нь хөнгөн тул ял авч гарч ирээд олон юм ярьдаг. Ял авсан нь шүүхээр шийдэгдсэний дараа магадлан болон ял хөнгөрүүлэх бодлого дээр манайх их энэрэнгүй юм билээ. Авлигыг бүрдүүлж байгаа хөрс суурь юу байна гэдэг дээр нарийвчилж ажиллах шаардлага байна.

Мөн бидний авлига гэж үздэггүй нэг асуудлууд байна.

Сургуулийн хуваарь солих, утсаар яриулж эмнэлэгт хүн хэвтүүлэх, өөр хаягтай хүүхдийг цэцэрлэгт оруулах, төрийн байгууллагаас зөвшөөрөл авах, газар зохион байгуулалт зэрэг олон асуудлын цаана авлига үүсэж байгаа. Эдгээрийг цахимжуулснаар шийднэ.

Төрийн албан хаагчдын цалинг нэмэх бодлого барина. Төрийн албан хаагчид цомхон бүтэцтэй, өндөр цалинтай байх хэрэгтэй. Ихэнх үйлчилгээг хувийн хэвшлээр гүйцэтгүүлдэг байхаар судалж байна" гэлээ.

Үндэсний хорооноос дараах чиглэлээр үүрэг өглөө. Үүнд

  • Мэдээллийн 1111 дугаарын эргэх холбоог шинэ түвшинд гаргах. Иргэд төрд гарч байгаа авлигатай холбоотой мэдээллээр хаана хандахаа мэдэхгүй байгаа нь судалгаагаар харагдсан.
  • Улс төрийн намын санхүүжилттэй холбоотойгоор намуудын удирдлагуудтай уулзаж ярилцах.
  • Төрийн албаны ёс зүйн дүрмийг боловсруулах. Ах дүү, хамаатны томилгоо, тэтгэлэгт хөтөлбөрт давуу эрх олгодог гэх мэт асуудлаас гадна ХОМ дээрээ машингүй гэчхээд хамаарал бүхий хүмүүсийнхээ нэр дээр 10 машинтай хүнийг яах вэ, эдгээр үзэгдлийг яаж таслан зогсоох вэ гэдгийг энэ дүрмээр зохицуулна.
  • Газар, уул уурхайн лицензтэй холбоотой зөвшөөрлийг цэгцлэх чиглэлээр үүрэг өглөө.
Ажилчны гүүрийн төслийг хэрэгжүүлснээр Яармагийн замын ачаалал 30-40 хувь буурна
Ажилчны гүүрийн төслийг хэрэгжүүлснээр Яармагийн замын ачаалал 30-40 хувь буурна
 
“Эрэл“-ийн Б.Эрдэнэбат, түүний өмгөөлөгч Н.Цэцэгмаа болон Нийслэлийн прокуроруудыг АТГ-аас шалгаж эхэлжээ
“Эрэл“-ийн Б.Эрдэнэбат, түүний өмгөөлөгч Н.Цэцэгмаа болон Нийслэлийн прокуроруудыг АТГ-аас шалгаж эхэлжээ
Энэ мэдээ хуучирсан буюу 2021/11/11-нд нийтлэгдсэн мэдээ болно.

Шинэ мэдээ