Судлаачид үзэхдээ Монгол банхарыг Энэтхэгийн хар чононоос гаралтай гарз нохойн төрөл хэмээн үздэг. Монгол банхар нь хамгийн тэвчээртэй, хурц дайчин шинж чанартай гэдгээрээ бусад үүлдрийн нохдоос ялгардаг. Манай улсын хувьд 1000 орчим бүртгэлтэй монгол банхар байдаг байна. Монгол банхарын дундаж өндөр нь 75-85 см, амьдын жин нь 70-90 кг байдаг байна. 2009 онд Монгол банхар судлалын холбоо байгуулагдан Монгол банхарын үүлдэр угсааг авч үлдэх ажлыг хийж байна. 2018 оны Монгол банхар клубийн аварга шалгаруулах тэмцээн өнгөрсөн бямба үндэсний цэцэрлэгт хүрээлэнд зохион байгуулагдлаа. Тэмцээнд 90 Монгол банхар оролцжээ. Монгол банхар байгалиасаа хоточ малч шинж чанартай байдаг байна. Монгол банхарыг гадаадын иргэд маш ихээр сонирхох болсон байна. Одоогийн байдлаар Монгол банхарын гөлөг $850-3500 долларын үнэ хүрдэг бол Харин хамгийн өндөр үнэтэй нь 1 сая 500 мянган доллар, сая еврогоор зарагддаж байсан баримт байна.
Монгол банхар дунджаар 15-20 жил насладаг. 1950-1960 оны хооронд халдварт өвчин тарааж байна гэсэн шалтгаанаар олноор нь устгасан нь Монгол банхарын тоо толгой буурах гол шалтгаан болсон гэж үздэг. Ямартай ч Монгол банхар дэлхийн нохой сонирхогчдыг анхаарлыг ихэд татах болж үнэ нь ч мөн адил сүүлийн жилүүдэд эрс нэмэгджээ.
Эх сурвалж Шуурхай.мн
