fbpx АНУ-ын тусламжийн шинэ багц Украин дахь HIMARS-ийн тоог хоёр дахин өсгөнө
 
Энэ мэдээ хуучирсан буюу 2022/09/29-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 43 секунд

АНУ-ын тусламжийн шинэ багц Украин дахь HIMARS-ийн тоог хоёр дахин өсгөнө

Өчигдөр АНУ-ын засаг захиргаа Украинд үзүүлэх зэр зэвсгийн тусламжийн шинэ багцыг зарлажээ.

Нийт $1.1 тэрбумын дүнтэй энэ багцад HIMARS (High Moblity Artillery Rocket Systems) пуужингийн систем 18 ширхэг багтсан тухай Пентагон мэдээлсэн байна.

Энэхүү пуужингийн артиллерын систем нь 80 км хүртэл алсаас өндөр нарийвчлалтай цохилт өгөх чадвартай зэвсэг юм. Одоогоор Украины арми 16 ширхэг ийм зэвсгийг Оросын эзлэн түрэмгийлэгчдийн эсрэг тулаанд үр дүнтэй ашиглаж байгаа гэсэн мэдээлэл бий.

Зургаадугаар сард Украины тал анхны HIMARS-аа АНУ-аас хүлээж авсан бөгөөд тэр үеэс хойш Оросын цэргийн чухал байгууламжуудад оновчтой цохилт өгөх замаар дайны салхийг эргүүлсэн юм.

Энэ удаагийн тусламжийн багцад HIMARS-аас гадна 150 ширхэг хуягт автомашин Humvee, 150 ширхэг тактикийн чирэгч машин, зэвсэг тээвэрлэх зориулалттай 80 чиргүүл, 40 ачааны автомашин, дрон илрүүлэгч радарын систем хоёр ширхэг, сум нэвтрүүлдэггүй хантааз зэрэг зэвсэг, хэрэгсэл багтжээ.

Украины ерөнхийлөгч Володимир Зеленский тусламжийн шинэ багцыг “цагаа олсон шийдвэр” гэж магтаад Америкчуудад талархал илэрхийлсэн байна.

Дайн эхэлснээс хойш АНУ-аас Украинд үзүүлсэн зэвсгийн тусламжийн нийт хэмжээ $16.2 тэрбум хүрчээ. Наймдугаар сард $3 тэрбумын тусламж үзүүлсэн нь нэг удаагийн хамгийн том багц болж байв.

Эх сурвалж: Business Insider

ОХУ-д цэргийн дайчилгаа эхэлснээс хойш бараг 200,000 хүн хөрш орнуудын хилийг давжээ
ОХУ-д цэргийн дайчилгаа эхэлснээс хойш бараг 200,000 хүн хөрш орнуудын хилийг давжээ
 
Илон Маск удахгүй тархиндаа чип суулгуулна
Илон Маск удахгүй тархиндаа чип суулгуулна
Энэ мэдээ хуучирсан буюу 2022/09/29-нд нийтлэгдсэн мэдээ болно.

Шинэ мэдээ