Энэтхэг улсын зүүн бүсийн Бихар мужийн нэг тосгон 75 жилийн дараа анхны төрийн албан хаагчтай болсноо тэмдэглэжээ.
Тус тосгоны оршин суугч, 30 настай Ракеш Кумар дунд сургуулийн ахлах багшийн албан тушаалд томилогдсон юм байна.
Өнгөрсөн долоо хоногт тосгоны иргэд энэхүү мэдээг сонсоод баяраа өргөн дэлгэр тэмдэглэжээ.
Тогтмол цалин орлоготой төрийн албан хаагч болох нь 1.3 тэрбум хүн амтай Энэтхэг улсад маш ховор тохиох завшаан юм.
Сохагпур тосгоны ахлагч Девендра Чоудхари тус тосгоны үе үеийн оршин суугчид Энэтхэг улс тусгаар тогтнолоо зарласан 1947 оноос хойш төрийн албан хаагч болох мөрөөдөлтэй байсан ч биелж байгаагүйг ярьжээ.
Кумарын амжилт тосгоны ирээдүйг гэрэлтэй болгож, олон залууст итгэл найдвар төрүүлсэн тухай тэр бас ярьсан байна.
Тосгоныхоо бахархал болсон Кумар төрийн албан хаагч болохын тулд амаргүй зам туулснаа бас ярьжээ.
Жижиг хүнсний мухлагийн эзний хүү тэрбээр тосгоныхоо ойролцоо оршдог Музаффарпур хотын дунд сургуулийг төгсөхийн тулд 30 гаруй километр замыг өдөр бүр унадаг дугуйгаар туулдаг байсан гэнэ.
2016 онд нас барсан аавынхаа мөрөөдлийг биелүүлж чадсандаа баяртай байгаагаа Кумар ярьж байна.
Эх сурвалж: BBC
