fbpx О.Шольц: Герман Украинд явуулсан санал хураалтыг хэзээ ч хүлээн зөвшөөрөхгүй
 
Энэ мэдээ хуучирсан буюу 2022/09/29-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 8 секунд

О.Шольц: Герман Украинд явуулсан санал хураалтыг хэзээ ч хүлээн зөвшөөрөхгүй

БЕРЛИН. /DW/. Герман улс Украины эзлэгдсэн бүс нутгуудад ОХУ-ын явуулсан санал хураалтын үр дүнг хүлээн зөвшөөрөхгүй гэж Германы Канцлер Олаф Шольц Украины Ерөнхийлөгч Владимир Зеленскийтэй утсаар ярих үеэрээ мэдэгдсэнийг “DW” агентлаг уламжилжээ.

“Оролцогчдынх нь дийлэнх нь Оростой нэгдэхийн төлөө саналаа өгсөн Донецк, Луганск, Херсон, Запорожьед явуулсан хүчин төгөлдөр бус бүх нийтийн санал хураалтын үр дүнг хэзээ ч хүлээн зөвшөөрөхгүй” гэж О.Шольц В.Зеленскийд хэлснийг Канцлерын хэвлэлийн төлөөлөгч Штеффен Хебестрайт мэдээлсэн байна.

Мөн Германы Украинд үзүүлэх санхүү, улс төр, хүмүүнлэгийн дэмжлэг ганхахгүй бөгөөд тусгаар тогтнол, нутаг дэвсгэрийн бүрэн бүтэн байдлаа хамгаалах үйлсэд нь зэвсэг нийлүүлэх зэргээр үргэлжлүүлэн дэмжлэг үзүүлнэ гэдгийг нэмж хэлжээ.

Их Британийн Ерөнхий сайд Лиз Трасс мөн В.Зеленскийд Их Британи Украины бүс нутгуудыг өөртөө нэгтгэх Оросын оролдлогыг хэзээ ч хүлээн зөвшөөрөхгүй хэмээн мэдэгдсэн байна. “Ерөнхий сайд Их Британи Оросын оролдлогыг хэзээ ч хүлээн зөвшөөрөхгүй гэдгийг тодорхой илэрхийлээд, Ерөнхийлөгч Путинийг ялагдах хүртэл Украин Их Британийн дэмжлэгт найдаж болно гэдгийг дахин нотолсон” гэж хэвлэлийн төлөөлөгч мэдээлжээ.

Польшийн Гадаад хэргийн яам мөн бүх нийтийн санал хураалтыг зэмлэн буруушаасан байна. “Бид эдгээр хүчин төгөлдөр бус бүх нийтийн санал асуулга болон түүний “үр дүн”-г хууль ёсны гэж үзэхгүй байхыг олон улсын хамтын нийгэмлэгийн гишүүдэд уриалж байна. Энэ нь тэдгээр бүс нутгийн ард түмний хүсэл зоригийг ямар ч байдлаар илэрхийлж чадахгүй” гэж тус яамны мэдэгдэлд дурджээ.

Э.Хулан

Эх сурвалж: "Монцамэ" агентлаг

БНСУ визгүй зорчихтой холбоотой мэдэгдэл гаргажээ
БНСУ визгүй зорчихтой холбоотой мэдэгдэл гаргажээ
 
Нэвтрүүлэгч, хөтлөгч Д.Одзаяа Монгол улсын хэмжээнд хорт хавдартай тэмцэж байгаа бүх хүүхдүүдэд зориулан 300 сая төгрөгийн бүтээгдэхүүн хандивлахаар болжээ
Нэвтрүүлэгч, хөтлөгч Д.Одзаяа Монгол улсын хэмжээнд хорт хавдартай тэмцэж байгаа бүх хүүхдүүдэд зориулан 300 сая төгрөгийн бүтээгдэхүүн хандивлахаар болжээ
Энэ мэдээ хуучирсан буюу 2022/09/29-нд нийтлэгдсэн мэдээ болно.

Шинэ мэдээ

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​