Дэлхийн яруу найргийн өнөөдөр тохиож байна. НҮБ-ын Боловсрол , Шинжлэх ухаан, Соёлын Байгууллага (ЮНЕСКО)-аас 1999 онд тунхагласнаар Дэлхийн яруу найргийн өдрийг жил бүрийн 3 дугаар сарын 21-нд тэмдэглэдэг болсон. Монголын утга зохиолынхон ЮНЕСКО-ийн зарлан тунхагласан уг өдрийг халуун дотно хүлээн авч, жил бүрийн энэ өдөр олон төрлийн ажил өрнүүлдэг уламжлалтай.
Энэ өдрийн хамгийн эхний ёслол Монгол Улсын Төрийн шаггалт яруу найрагч Б.Явуухулангийн 90 насны ойд зориулсан уулзалт хэлэлцүүлэг Монголын үндэсний номын санд болно. Мөн 14 цагт Хүүхдийн урлан бүтээх төвд энэ жил 90 насных нь ойш тэмдэглэх Төрийн шагналт зохиолч Сэнгийн Эрдэнэ, Цэгмэдийн Гайтав, Бэгзийн Явуухулан нарт зориулсан уран бичлэг, зохиолын үзэсгэлэн гаргаж, МЗЭ-ээс яруу найрагчдын нээлттэй уншлага хийнэ.
МЧЗЭ-ийн шагналт, яруу найрагч Н.Очирбатын 80 насны ойд зориулсан “Хөх дэвтэрт яруу найрагчийн урлан” эрдэм шинжилгээний хурал, гэрэл зургийн үзэсгэлэн, “шүлгэн цомог “ бүтээлийн нээлтийн ёслол Хүүхдийн номын санд болох юм. Улаанбаатар хотын төв номын сан буюу Д. Нацагдоржийн номын санд 15 цагт Д.Нацагдоржийн шагналт яруу найрагч Л. Мягмарсүрэн уншигчидтайгаа уулзалт хийнэ. Орой 18 цагт Улаанбаатар хотын “Cosy club”-т залуу яруу найрагчдын олон улсын яруу найргийн хөдөлгөөнүүдэд шинэ өнгө аяс нэмэх зорилготой “Дэлхийн яруу найргийн үдэшлэг” тус тус зохион байгуулагдлах гэж байна. Залуусын энэ үдэшлэгт яруу найргийн уншлага, органик цай амталгаа, амьд хөгжим, яруу найргийн тухай харилцан яриа, workshop зэрэг олон сонирхолтой ёслол багтсан байна.
Эх сурвалж: Шуурхай.мн
