Монголд анх удаа Сэтгэцийн эрүүл мэндийн чиглэлээр 24 цагаар мэдээлэл өгөх 1800-2000 утас өнөөдрөөс ажиллаж эхэллээ. Энэхүү утсаар олон жилийн туршлагатай сэтгэцийн эмч нар ээлжээр ажиллаж, зөвлөгөө өгөх юм байна.

Энэхүү утсыг нээн ажиллуулснаар архи, тамхи, мансууруулах бодисын хэрэглээтэй холбоотой асуудал, уур бухимдал, нойргүйдэл, стресстэй, сэтгэл зүйн ямар нэг асуудалтай хүмүүс гаднын хөгжингүй орнуудтай адил утсаар шууд мэдээлэл авах боломж бүрджээ. 

Манай Улсын хэмжээнд хөдөлмөрийн чадвараа алдсан нийт хүмүүсийн 15 хувийг сэтгэцийн эмгэгтэй хүмүүс эзэлж, сэтгэц, зан үйлийн эмгэгтэй 21 мянга гаруй хүн амьдарч байна. 2013 онд хийгдсэн сэтгэцийн эмгэгийн тархалтын судалгааны үр дүнг 1984-1992 оны судалгаатай харьцууллахад стрессийн шалтгаант сэтгэцийн эмгэг 10 дахин, архинд донтох эмгэг 40 дахин нэмэгдэж, үүний дотор 15-65 насны хүмүүсийн 6 хувийг сэтгэл гутрал эзэлж байна. Сэтгэцийн эмгэг бидний аж амьдрал, ажил төрөл, эрүүл мэнд ирээдүй хойчид нөлөөлж мөн нийгмийг илүү хүнд, асуудалтай болгож байгаа гол хүчин зүйл болж байна. Махан бие, оюун санаа, сүнс гурав эрүүл байж хүн эрүүл байдаг. Тиймээс махан биеийн эд эрхтэнг эм тариагаар хэчнээн тэтгээд ч нэмэргүй гэсэн үг юм. Магадгүй тухайн өвчлөлийн шалтгаан бидний сэтгэл зүйд аль эрт тогтож үлдсэн эмгэгээс үүдэлтэй байх тохиолдол элбэг байдаг байна.

Өсвөр насны хүүхдүүдэд илрэх шинж тэмдэг нь насанд хүрсэн хүмүүсээс тодорхой хэдэн шинж тэмдгээр өөр байдаг байна. 
Өсвөр насны хүүхдүүдэд:

- Анхаарал төвлөрөхөө болих
- Түргэн ууртай болох
- Хурдан ярьж ярианы сэдвийг минут тутам өөрчлөх гэх мэт

Э.Марал

Эх сурвалж: Шуурхай.мн