АТГ-аас Сар бүрийн -25нд хийдэг хэвлэлийн бага хурал болж  энэ удаагийн хурлаар 2019 оны 3-р сард хийсэн ажлын талаарх товч мэдээллийг хүргэлээ.

  Хуралд: АТГ-ын Тамгын хэлтсийн дарга эрхэлсэн комиссар З.Баасанням,  Урьдчилан сэргийлэх, соён гэгээрүүлэх хэлтэсийн дарга эрхэлсэн комиссар Т.Баярхүү, Мөрдөн шалгах хэлтсийн дарга эрхэлсэн комисар Ч.Жаргалсайхан  нарын холбогдох албан тушаалтнууд оролцож байна. 

АТГ-ын Мөрдөн шалгах хэлтсийн ахлах мөрдөгч, ахлах комиссар Ч.Жаргалбаатар мэдээлэхдээ: "АТГ-аас нийт найман шүүгчид хэрэг бүртгэл нээж, шалгаж байна. Тэднийг албан тушаалаас нь түдгэлзүүлж шалгах саналаа прокурорын байгууллагад хүргүүлсэн" гэв. "Сангийн сайд асан С.Баярцогтын Швейцарь дахь дансны хуулгыг АТГ хоёр хоногийн өмнө албан ёсоор хүлээж авсан" гэж мэдэгдлээ. 

Эх сурвалжийн хэлснээр бол Сангийн сайд асан С.Баярцогт өөрийн дансны хуулгаа АТГ-т өгсөн ч албан ёсны баримт гэж хэлэхэд учир дутагдалтай байжээ.

Мөн УИХ-ын дарга Г.Занданшатарын айлчлалын бүрэлдэхүүний авч ирсэн С.Баярцогтын Швейцарь дахь оффшор таван дансны дэлгэрэнгүй хуулга нь баталгаажсан, мөрдөн шалгалтын үеэр ашиглаж болох албан ёсны баримт болно хэмээн АТГ-аас мэдээллээ . 

Тэд мэдээллэхдээ: "Монголбанкны захирал асан Н.Золжаргалтай холбоотой гурван багц асуудлыг шалгаж байна.  Тэрээр Хүү багатай зээл олгож, Австри улс руу их хэмжээний мөнгө шилжүүлж, мөн орон сууц худалдан авсан зэрэг асуудлаар мөрдөн шалгах ажиллагаа явагдаж байна. Арилжааны банкинд зээл олгохдоо тогтоосон хэмжээнээс  бага хүүтэй зээл олгосон байна. Иймээ эргэж хянаж үзээч ээ гэдэг мөрдөгчийн мэдүүлэг Монголбанкинд хүргэсэн. Австри улс руу санхүүгийн хамтарсан мөрдөн шалгах ажиллагаа явуулах даалгавар хүсэлтээ өгөөд, тодорхой нотлох баримтууд ирсэн.

Хоёрдугаар улиралд багтаагаад хэргийн шийдвэрлэх боломжтой гэж үзэж байгаа. Түүнчлэн Монголбанкны таван албан тушаалтны хөрөнгө орлогын мэдүүлгийг нь шалгаж байна" гэв. 

Э.Марал

Эх сурвалж: Шуурхай.мн