Өнөөдөр Нацагдоржийн нэрэмжит зохиолч М.Эрдэнэбатын эмхэтгэж хэвлүүлсэн УИХ-ын гишүүн, Эрчим хүчний сайд Ц.Даваасүрэнгийн хэлсэн ярьсан, хийсэн бүтээсэн ажлын тухай өгүүлэх “Зарчим” номын нээлт боллоо.
Зохиогч номныхоо талаар “ Энэ хүний үзэл бодол надад их ойрхон байдаг болохоор энэ хүний тухай “Зарчим” хэмээх номыг эмхэтгэж хэвлүүлсэн юм. Улс төрд болж байгаа үйл явдалд сонгогчийн хувьд, иргэн хүний хувьд Даваасүрэн гишүүний байр суурь үзэл бодлыг илүүтэй сонирхож байдаг. Аливаа асуудалд ёс суртахуунтай, зарчимтай байж чаддаг энэ улс төрчид би байнга талархаж явдаг. Ийм учраас би Ц.Даваасүрэн гишүүний хэлсэн үг хийсэн ажлыг эмхэтгээд энэ номыг Зарчим гэж нэрлэсэн. Өнөөдөр Монголын улс төрчид зарчимыг бариад сурчихвал хэрэгтэй” гэв.
Номын баатар Ц.Даваасүрэн: Он шилжих гэж буй энэ цаг мөчид миний хувьд их сайхан үйл явдал болж байна. Нацагдоржийн нэрэмжит зохиолч М.Эрдэнэбат бид 2 олон жил нөхөрлөж байна. Миний сонгуулийн сэтгүүлийн оршлыг байнга бичиж байсан түүхтэй. Хүн өөрийнхөө тухай сайн мэддэггүй юм шиг байна. Хийсэн бүтээсэн зүйлээ мартдаг юм шиг байна. Өчигдөр орой би номоо уншаад улс төр болон төрийн салбарт ажиллаж байсан амьдралынхаа түүхийг эргэж харлаа. Хүн хийсэн бүтээснээ санаж, бичиж үлдээж байх ёстой юм байна. Номоо уншаад төрд би юу хийлээ гэж бодлоо. Анх Эрчим хүчний хүчний салбарт мэргэжилтэнгүйгээр ажиллах эрлийн хамгаалалт автоматикийг Монголчууд өөрсдөө авч явах үндэсийг тавилцсан байна. Мөн сангийн яаманд ажиллаж байхдаа тусламжийн наймааг дамладаг байсныг зогсоосон юм билээ. Гол хийсэн ажил бол Монгол төрийг мөнгөтэй болгосон юм байна. Яагаад гэвэл 90-ээд онд иргэд цалин тэтгэврээ хугацаанд нь авч чадахгүй банкны хаалга эвдэж байв. Төрийн санг байгуулснаараа үүнийг бас зогсоож чадсан юм байна. Энэ түүх болж үлдэжээ. Мөн Оросын их өрийг дарах арын фронт экспэртийн багийг ахлаж ажиллаж байсан. Бидний хийсэн тооцоо, тохиролцлоор Оросын өрийг дарсан. Оюу толгойн луйврыг намаасаа хөөгдөн байж олон түмэнд ил болгосон байна. Эрчим хүчний салбартаа 30 жилийн дараа ирээд бодлогын хувьд алдаа дутагдал гарсан байсныг залруулахад бас оролцжээ. Нар, салхиний лицензийг 13 дахин илүү хүчин чадлаар илүү олгосон байсныг цэгцэлсэн. Сүүлийн ажил бол Улаанбаатар хотын хорт утааг бууруулах шахмал түлшний үйлдвэр байгуулах ажлыг энэ яамыг удирдаж хийлгэсэн байна. Ялангуяа Нийслэлийн бяцхан иргэдийн амьдрах нөхцлийг сайжруулахад чухал ажил болжээ.
Өнөөдөр Ерөнхий сайд бид хоёрт Налайх дүүргийн Хос уянга сургуулийн 6а ангийн сурагчдаас захидал ирүүлсэн байна. Ерөнхий сайд, Эрчим хүчний сайддаа Нийслэлийг утаагүй болгож өгсөнд баярлалаа, та бүхэн бидний ирээдүйг гэгээтэй болгож өглөө. Одоо Налайх дүүргийг маань утаагүй болгож өгөөч гэсэн захидал ирүүлсэн.Ерөнхий сайд бид хоёр ярилцаж байгаад хотын зүүн талд ахиад ийм хүчин чадлын үйлдвэр ашиглалтад оруулахаар шийдвэрлэсэн байгаа. Налайх дүүрэг маань ирэх жил утаагүй болно гэв.
Нээлтийн төгсгөлд УИХ-ын гишүүн, Эрчим хүчний сайд Ц.Даваасүрэн үйл ажиллагаанд хүрэлцэн ирсэн хэвлэлийн багийнханд өөрийн ном болон гарын бэлэг өгсөн юм
Шуурхай.мн
