Хүнс, хөдөө аж ахуй, хөнгөн үйлдвэрийн яам, Хөдөө аж ахуйн бирж, Монголын Хөдөө аж ахуйн хоршоологчдын үндэсний холбоо, Лавай худалдааны төв хамтран  2020 оны 02-р сарын 01-ний өдрөөс 02-р сарын 23-ний өдрүүдэд сарын хугацаанд Хотол төгс хэмээх төмөр хулгана жилийн сар шинийн баярт зориулсан үзэсгэлэн худалдааг зохион байгуулж байна.

Үзэсгэлэн худалдаанд  ХАА-н бүтээгдэхүүн үйлдвэрлэгч аж ахуйн нэгж, хоршоод, малчдын үйлдвэрлэсэн гарал үүсэл нь баталгаажсан, эрүүл ахуйн шаардлага хангасан, бараа бүтээгдэхүүнийг дундын дамжлагагүй шууд худалдаалах юм. Орон нутгаас ирсэн мах, цагаан идээ, хүнсний ногоо, ууц, хэвийн боов, үндэсний үйлдвэрлэгчдийн гарын бэлэг бүгдийг нэг дороос зах зээлийн доод үнээр  худалдан авах боломж Улаанбаатар хотын иргэд та бүхэнд тохиолоо.

Үзэсгэлэнгийн  турш олон шагнал урамшуулал та бүхнийг хүлээж байгаа бөгөөд 7 хоногт нэг удаа азтан шалгаруулан иж бүрэн тавгийн идээгээр шагнах ба Лавай супермаркетаас  100,000 төгрөгөөс дээш худалдан авалт  хийсэн хэрэглэгчддээ гарын  бэлэг бэлэглэхийг дуулгахад таатай байна.

Мөн та ахмад настанаа хүндлэн алга дээшлүүлэн золгох мөнгөний дугтуйгаа үнэгүй аваарай.

Есөн цагаан хүсэл тань сэтгэлчлэн бүтэж

Ерөөл ерөөлийн дээдийг хүртэж

Энх тунх, эрүүл энх

Элбэг дэлбэг сар шинэдээ сайхан шинэлээрэй. Монгол түмэн минь