Эдийн засаг Л.Наранбаатар АН-ын даргын ахлах зөвлөх З.Энхболд болон "Страто" компанийн талаар мэдээлэл хийлээ. Тэрбээр "Би 2020 оны гуравдугаар сарын 18-ны өдөр хэвлэлийн бага хурал хийж, УИХ-ын дарга асан З.Энхболдыг өөрийн хамаарал бүхий, нэгдмэл, бизнесийн ашиг сонирхол нэгтэй этгээдээр дамжуулан Монгол Улсад их хэмжээний хохирол учруулсан. Улс төрийн нөлөөгөө ашиг сонирхол нэгтэй хүмүүстээ үзүүлсэн байж болзошгүй талаар АТГ, Эрүүгийн цагдаагийн газар, ТЕГ-т хандаж, гомдол гаргасан. Харамсалтай хууль хүчний байгууллагууд энэ хүнийг шалгахгүй гэсэн хариу өглөө. АТГ болон Нийслэлийн Ерөнхий прокурорын газраас энэ хүнийг "Хишиг арвин", "Страто" компанитай холбогдуулж шалгахгүй гэдэг хариуг өгсөн. З.Энхболд үнэхээр мангас болчихож. Хууль хүчний байгууллагууд айгаад шалгахгүй байна.
Мөн өнөөдөр "Зууны мэдээ" сонинд ноцтой мэдээлэл гарчээ. З.Энхболдын дүү З.Хишигтохтой бизнесийн хамтрагч, "Тавантолгой"-н өрөм болсон нүүрсийг авч угаадаг. Зарим тохиолдол түүхийгээр нь зараад байгаа "Страто" компанийн хувьцаа эзэмшигч, гүйцэтгэх захирал А.Баттүшиг гэдэг хүн З.Энхболдын сонгуулийн менежерээр ажиллаж байсан баримт гараад ирлээ. Энэ бол нотлох баримт. Би "Страто"-гийн цаана З.Энхболд байгаа гэж олон баримтаар хэлээд хууль хяналтын байгууллага шалгахгүй байна. 2016 онд энэ хүн З.Энхболдын сонгуулийн менежер хийгээд явж байж. Сонгуулийн мөнгийг нь компаниасаа юм уу, ямар нэг байдлаар гаргасан байх. Би үүнийг АТГ, Тагнуулд нотлох баримт болгож өгнө.
Одоо шинэ нотлох баримтыг та бүхэнд өгье. Энэ хүнийг шалгуулах гэхээр АТГ-аас З.Энхболдод маш хурдан бичиг гаргаж өгч байгаа юм. З.Энхболд "Страто" гэдэг компанид хувьцаа эзэмшдэггүй юм байна гэдэг бичиг гаргаж өгсөн. Тэгээд хувьцаа эзэмшдэггүй учраас шалгахгүй гэж хэлээд байгаа юм. Ямар тэнэг хүн өөрийнхөө хувьцааг ил тод бичээд байж байх вэ. З.Энхболдын төрсөн дүү З.Хишигтогтох гол бизнесийг хийдэг. Энэ хүнтэй хамаарал бүхий 20-иод компани байгаа. Зарим нь З.Энхболдын мэдлийн байшинд оффислож байна. "Страто"-гоос З.Хишигтогтох цалин авч байгаа. Энэ компанид ажилладаг хүнээс би мэдээлэл авсан. 2018 оны аравдугаар сараас Т.Батдэлгэр гэдэг хүн цалин авсан. Энэ хүн бол З.Энхболдын эхнэрийн төрсөн дүү. З.Хишигтогтох 2018 оны есдүгээр сараас "Страто"-гоос одоо хүртэл цалин аваад явж байгаа.
В.Алтантуяа гээд З.Хишигтогтохын эхнэр. В.Ганцолмон гэдэг хүн байгаа. Энэ бол В.Алтантуяагийн дүү юм уу, эгч байх. Энэ хүн "Страто" компаниас цалин аваад явж байна. Ж.Даваасүрэн гэдэг хүн бас "Страто"-гоос цалин аваад явж байгаа. Энэ хүн З.Энхболдын бие төлөөлөгч. "Арвай милк" гэдэг компани гэдэг компанийн нэр дээр ЖДҮХС-гаас 500 сая төгрөгийн зээл авч байсан юм билээ. Ж.Даваасүрэн гэдэг З.Энхболдын ЖДҮ-ийн зээлийн халхавч байсан байх. Үүнийг хууль хүчний байгууллага яагаад шалгахгүй байна.
Би яагаад "Страто" гэдэг компанийг онцлоод байна гэхээр, энэ байгууллага 85 хувийн коксжих нүүрсийг аваад, угааж зардаг нэртэй. Анх 72 ам.доллараар зарж байсан. Одоо 63 ам.доллараар авч байна. 9 ам.доллараар үнээ бууруулчихсан. Намайг гуравдугаар сарын 18-ны өдөр мэдээлэл хийсний дараа "Страто"-гийн захирал А.Баттүшиг авсан нүүрсээ угаагаагүй, түүхийгээр нь зарсан гэдгээ хэлсэн. Энэ үйлдвэр яг нүүрс угаах ажлаа хийгээд байна уу. Байшин барьчихаад, Тавантолгойгоос нүүрс аваад, угаасан нэрээр зараад байгаа юм биш биз" хэмээлээ.
