"Интермэд" эмнэлгээр үйлчлүүлсэн 69 настай иргэнээс түргэвчилсэн оношлуулаар шинжилгээ авахад эерэг гарсан талаар ХӨСҮТ-ийн дарга Д.Нямхүү мэдээлсэн. Тэрбээр "Интермэд эмнэлэгт 69 настай иргэн хоёр уушгиндаа хатгаатай, амьсгал бачуурсан, халуураагүй гэж ирж хэвтсэн. Тиймээс тус эмнэлгийнхэн өөрсдөө түргэвчилсэн оношлуур ашиглаж, шинжилгээ авахад эерэг гарсан байна. Тиймээс PCR аппаратаар баталгаажуулахаар сорьцийг нь аваад шинжилгээ хийж байна" гэсэн юм.
Харин уг иргэний PCR шинжилгээний хариу сөрөг гарсан талаар ЭМЯ-наас дөнгөж сая мэдээллээ.
Өөрөөр хэлбэл, тус иргэн нь коронавирусийн халдваргүй болох нь батлагдаж байна.
