УИХ-ын 2020 оны сонгуульд бие даан нэр дэвшихээр мөрийн хөтөлбөрөө өгсөн эрхмүүдийн нэрсийг Үндэсний аудитын газраас зарлалаа. Эдгээр эрхмийн дунд УИХ-ын гишүүн асан Н.Номтойбаяр бие даан нэр дэвшихээр мөрийн хөтөлбөрөө өгсөн байна. Түүний хувьд өнгөрсөн нэгдүгээр сард өөрийн хүсэлтээр УИХ-ын гишүүнээс чөлөөлөгдөх хүсэлтээ УИХ-ын даргад өгсөн ч чуулганы хуралдаанаас түүний бүрэн эрхийг түдгэлзүүлж шийдвэрлэсэн юм.
Тухайн үедээ "2020 оны сонгуульд бие даан нэр дэвших эсэхээ хэлж мэдэхгүй байна. Улстөр бол намын ажил шүү дээ" хэмээн ярьж байсан ч улстөрийн хэлмэгдүүлэлтийн эсрэг тэмцэхээр бие даан нэр дэвшихээр болжээ.
Сануулахад, Н.Номтойбаярын бүрэн эрхийг түдгэлзүүлэх болсон шалтгаан нь хэвлэлийн хурал хийх үеэрээ мөрдөн байцаалт явуулж буй хэрэгтэй холбоотой мэдээллийг задалсан гэж Улсын Ерөнхий прокурор мэдэгдсэн ч тэрбээр прокурорын хэвлэлд өгсөн мэдээллийн хүрээнд хэвлэлийн хурал хийж байсан билээ.
Б.Аз
