УИХ-ын гишүүн Ж.Энхбаяр, Х.Нямбаатар нараас 2020 оны дөрөвдүгээр сарын 17-ны өдөр өргөн мэдүүлсэн Коронавируст халдвар "Covid-19" цар тахлаас урьдчилан сэргийлэх, тэмцэх тухай хуулийн төсөлтэй хамт өргөн мэдүүлсэн Гамшгаас хамгаалах тухай хуульд нэмэлт өөрчлөлт оруулах тухай хуулийн төслийг чуулганы нэгдсэн хуралдаанд оролцсон гишүүдийн олонх тухайн асуудлаар хууль гаргах шаардлагагүй гэж үзсэн тул хууль санаачлагчид буцаалаа.
Улмаар Коронавирус халдвар Covid-19 цар тахлаас урьдчилан сэргийлэх, тэмцэх тухай хуулийн төсөлтэй хамт өргөн мэдүүлсэн хуулийн төслүүдийг эцсийн хэлэлцүүлэгт бэлтгүүлэхээр Аюулгүй байдал гадаад бодлогын байнгын хороонд шилжүүллээ.
Аюулгүй байдал гадаад бодлогын байнгын хороо одоо хуралдаад 15 цагаас эхлэх чуулганы хуралдаанд саналаа нэгтгэж оруулж ирэх юм.
