2020.05.05/ МЯГМАР ГАРАГ
ХАВРЫН АДАГ ЦАГААН ЛУУ САРЫН ТАВАН ШАР ШАР БИЧ ӨДӨР
- Наран ургах, шингэх: 05.27-20.10
- Үс засуулбал: Жаргал ирнэ
- Барилдлага: Хүчин төгсөх
- Шүтэн барилдлага: Хүрэлцэхүй
Аргын тооллын 5 сарын 5, Ангараг гараг. Билгийн тооллын 13, Тэргүүн дагуул одтой, шар бич өдөр. Өдрийн наран 5 цаг 27 минутад мандан, 20 цаг 10 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Зуны уур орох улирал 9 цаг 9 минутанд эхэлнэ. Үс шинээр үргээлгэх буюу засуулбал жаргал ирнэ.
