Засгийн газрын хуралдаан үргэлжилсээр байна. Энэ хуралдаанаар
- Covid-19 халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээний талаар,
- Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилтийн талаар,
- Улсын газар зохион байгуулалтын ерөнхий төлөвлөгөөний хэрэгжилтийн явцын талаар,
- "Улаанбаатар төмөр зам" хувь нийлүүлсэн нийгэмлэгийн дотоодын ачаа тээврийн тарифын дунд хугацааны бодлого зэрэг 10 гаруй асуудал хэлэлцэхээр төлөвлөөд байна.
Мөн энэ үеэр Гадаад харилцааны дэд сайд Б.Мөнхжинг чөлөөлөх асуудал хэлэлцэх өндөр магадлалтай байна. Б.Мөнхжин нь дипломат албаны машинаар шөнийн цагаар зочид буудал, цэнгээний газруудаар үйлчилж согтуу хөлчүү хүмүүсийг тээвэрлэсэн бичлэг ил болоод байгаа юм.
Тиймээс Засгийн газраас түүнд хариуцлага тооцож албан тушаалаас нь чөлөөлөх болсон талаар эх сурвалжууд хэлж байна.
Б.Мөнхжин нь өнгөрсөн оны долдугаар сард Гадаад харилцааны дэд сайдаар томилогдсон юм.
Эх сурвалж: shuurhai.mn
