Ерөнхий сайд Л.Оюун-Эрдэнэ болон сайдууд, УОК, НОК-иос мэдээлэл хийж байна. Энэ үеэр хил хаасантай холбоотой эм, тариа тасалдаж эхэллээ. Улсын хэмжээнд чухам ямар эм, тариа тасалдаад байгааг Эрүүл мэндийн сайд С.Энхболдоос сэтгүүлч асуулаа.

Тэрбээр, ЭМЯ-ны дэргэд Эм, эмнэлгийн хэрэгслийн хяналт зохицуулалтын газар бий. Энэ байгууллага эмийн хэрэгцээ, нөөцийн менежментийг хийж ажилладаг.

ЭМЯ-наас эмнэлгүүдийг 1-2 сар хэрэглэх эм, эмнэлгийн хэрэгслийг нөөцлөх үүрэг өгсөн. Одоогоор эмнэлгүүдэд эм, эмнэлгийн хэрэгсэл тасалдаагүй байна.

Тяньжинд саатсан эм, эмнэлгийн хэрэгслийг яаралтай татаж авчрах, мөн агаарын тээврээр татан авах чиглэлээр ажиллаж байна. 11-р сарын 1, 2, 3-нд Инчеоноос онгоц ирнэ. Энэ онгоцоор эм, эмнэлгийн хэрэгслүүд ирнэ.

Эмнэлэгт хордлого тайлах, тарилгын, глюкозын гэх мэт олон төрлийн шингэнийг хэрэглэдэг. Натрийн 70 орчим хувийг дотоодын үйлдвэрээс хангадаг. Үйлдвэрүүд өмнө нь авч байсан хэмжээнд нь эмнэлгүүдэд хуваарилалт хийж байна.