fbpx Коронавирусийн халдвараас шалтгаалсан нас баралт Европоос бусад бүх тивд буурч байна
 
Энэ мэдээ хуучирсан буюу 2021/11/11-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 41 секунд

Коронавирусийн халдвараас шалтгаалсан нас баралт Европоос бусад бүх тивд буурч байна

Өнгөрсөн долоо хоногт дэлхийн бүс нутгуудаас зөвхөн Европд коронавирусийн халдвараас шалтгаалсан нас баралт 10 хувиар өссөнийг Дэлхийн Эрүүл Мэндийн Байгууллага (ДЭМБ) өчигдөр мэдээлжээ.

Дурдсан хугацаанд зөвхөн нас баралт биш, мөн халдварын тохиолдол Европ тивд 7 хувиар өссөн нь бусад бүс нутгуудтай харьцуулахад хамгийн өндөр өсөлт болсон байна.

Сүүлийн зургаан долоо хоног дараалан тус тивд халдварын тохиолдол өссөн юм.

Дэлхий даяар өнгөрсөн долоо хоногт халдварын 3.1 сая тохиолдол шинээр нэмэгдсэн нь өмнөх долоо хоногоосоо 1 хувиар өссөн үзүүлэлт болжээ.

Үүний гуравны нэг орчим нь буюу 1.9 сая тохиолдол Европд тивд бүртгэгдсэн байна.

Хамгийн олон халдварын шинэ тохиолдол нэмэгдсэн орнуудыг АНУ, ОХУ, Их Британи, Турк, Герман тэргүүлжээ.

Өнгөрсөн долоо хоногт дэлхий даяар Covid-19 өвчний нас баралт 4 хувиар буурсан байна. Дээр дурдсанчлан Европоос бусад бүх тивд нас баралт буурчээ.

Европ тив дахин дэлхийн цар тахлын гол төв болоход ойрхон байгааг ДЭМБ-ын Европыг хариуцсан захирал, доктор Ханс Клюге өнгөрсөн долоо хоногт анхааруулж байв.

Хэрвээ вирусийн тархалтыг зогсоох нэмэлт арга хэмжээ авахгүй бол ирэх оны хоёрдугаар сарыг хүртэл 500,000 хүн нэмж нас барахаар байгааг тэр хэлсэн юм.

Эх сурвалж: Associated Press

ЭМЯ: Коронавируст халдварын 1,021 тохиолдол шинээр батлагдаж, 10 хүн нас барлаа
ЭМЯ: Коронавируст халдварын 1,021 тохиолдол шинээр батлагдаж, 10 хүн нас барлаа
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2021/11/11-нд нийтлэгдсэн мэдээ болно.

Шинэ мэдээ