fbpx Орос улс Гүржийн хил дээр цэргийн дайчилгааны байр нээхээр болжээ
 
Энэ мэдээ хуучирсан буюу 2022/09/28-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 37 секунд

Орос улс Гүржийн хил дээр цэргийн дайчилгааны байр нээхээр болжээ

Украины фронтод илгээх цэргийн дайчилгаанаас зугтсан Оросын иргэд хөрш зэргэлдээ орнууд руугаа дүрвэсээр байгаа.

Тэгвэл Москвагийн эрх баригчид дүрвэгчдийн ачаалал хамгийн өндөр байгаа Гүржийн хилийн боомт дээр цэргийн дайчилгааны байр нээхээр болжээ.

Гүржийн хилийн ойролцоох Верхний Ларс боомтод нээгдэх дайчилгааны төвийн ажилтнууд дүрвэж буй цэргийн насны эрчүүдийг бүртгэж, зарлан дуудах хуудас тараах үүрэгтэй байх юм байна.

Гүржийн хилээр нэвтрэх олон километр урт автомашины цуваа үүссэнийг хиймэл дагуулаас авсан зураг батлан харуулж байгаа.

Оросын иргэд хил нэвтрэхийг олон цагаар хүлээхдээ өлсөж цангаж, нойрны дутагдалд орж буй тухай гэрчүүд мэдээлж байна.

Гүржтэй хил залгаа ОХУ-ын Умард Осетиний бүгд найрамдах улсын дотоод хэргийн сайд өчигдөр хэлэхдээ Верхний Ларс боомтод 60 албан хаагч томилогдсон тухай мэдээлжээ. Цэргийн дайчилгааны цэг тун удахгүй ажиллаж эхлэхийг бас мэдээлсэн байна.

Гүржээс гадна Казахстан, Монгол улсуудын хилийн боомтын ачаалал өндөр байгаа тухай олон эх сурвалж мэдээлж байгаа.

Өчигдөр Казахстаны ерөнхийлөгч Касым-Жомарт Токаев “найдваргүй нөхцөл байдлаас” зугтаж буй оросуудын аюулгүй байдалд анхаарал тавихаа амлажээ.

ОХУ-ын батлан хамгаалах яам дайчилгаанаас зугтаж, хил давсан иргэдийг буцааж шилжүүлэх арга хэмжээ авахгүй гэдгээ мэдэгдсэн байна.

Есдүгээр сарын 21-нд ОХУ-ын ерөнхийлөгч Владимир Путин бүх нийтийн цэргийн хэсэгчилсэн дайчилгааг зарласан билээ.

Ингэхдээ зөвхөн армийн бэлтгэл хүчний 300,000 хүнийг дайчлахаа мэдэгдсэн юм.

Гэвч эрх баригчид дайчлах хүний тоог нэг саяд хүргэх нууц төлөвлөгөөтэй байна гэсэн яриа тараад байгаа. Бас бэлтгэл хүчээр хязгаарлагдахгүйгээр цэргийн алба хааж байгаагүй, нас өндөр, өвчин хуучтай хүмүүсийг хамруулсан тухай баримтууд илэрч байна.

Үүнтэй холбоотойгоор Кремлийн хэвлэлийн төлөөлөгч Дмитрий Песков “Ерөнхийлөгчийн зарлигийг зөрчсөн тохиолдлууд байна. Гаргасан бүх алдаа завхралыг залруулах болно” гэж мэдэгджээ.

Дайчилгааг иргэд нь хамгийн их эсэргүүцэж буй ОХУ-ын бүс нутаг Дагестан болоод байгаа. Тэгвэл өчигдөр тус бүс нутгийн цэргийн дайчилгаа хариуцсан албан тушаалтныг огцруулжээ.

Эх сурвалж: BBC

Хурдан унтаж, сайн амрахын тулд юу мэдэх хэрэгтэй вэ?
Хурдан унтаж, сайн амрахын тулд юу мэдэх хэрэгтэй вэ?
 
Илон Маск удахгүй тархиндаа чип суулгуулна
Илон Маск удахгүй тархиндаа чип суулгуулна
Энэ мэдээ хуучирсан буюу 2022/09/28-нд нийтлэгдсэн мэдээ болно.

Шинэ мэдээ