Чуулганы хуралдааны эхэнд УИХ-ын гишүүн С.Бямбацогт нарын 13 гишүүн өргөн мэдүүлсэн Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцлээ.
Хуулийн төслийн танилцуулгыг УИХ-ын гишүүн С.Бямбацогт хийлээ. Тэрбээр Монгол Улсын Үндсэн хуульд оруулсан нэмэлт, өөрчлөлтийн хүрээнд уг хуулийн төслийг боловсруулсан бөгөөд ОХУ, БНСУ, Герман, Малайз, Эстони, БНХАУ-ын холбогдох хуулийг судалж боловсруулсан гэв. Олон улсын хуулиудыг судлахаас гадна дотоодын эрдэмтэн судлаачдыг оролцуулжээ. Шинэчилсэн найруулгын төсөл батлагдсанаар хөгжлийн бодлогыг төлөвлөх нарийн бүтэцтэй болох бөгөөд хэрэгжих үндэс болно гэж үзэж байгаа аж.
Гишүүд үг хэлж дууссан тул санал хураалтыг гар өргөн явуулахад хуралдаанд оролцсон гишүүдийн 45 нь дэмжсэн тул анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүллээ.