УИХ-ЫН ГИШҮҮН, ДОКТОР А.УНДРААГИЙН НЭРЭМЖИТ ТЭТГЭЛЭГТ ХӨТӨЛБӨР ЗАРЛАГДЛАА


УИХ-ЫН ГИШҮҮН, ДОКТОР А.УНДРААГИЙН НЭРЭМЖИТ ТЭТГЭЛЭГТ ХӨТӨЛБӨР ЗАРЛАГДЛАА

 


УИХ-ын гишүүн, физикийн ухааны доктор /Ph.D/ Агваанлувсангийн Ундраа санаачлан МУИС-ийн Шинжлэх ухааны сургуульд байгалийн ухааны салбарын /хими, физик, биологи, математик/ чиглэлээр суралцаж байгаа оюутнуудын дунд өөрийн нэрэмжит сургалт, судалгааны тэтгэлэгт хөтөлбөрийг 2018 оны хоёрдугаар сарын 14-ний өдрөөс эхлэн “Идэр оюуны ундраа” аян нэртэйгээр зарласан байна. Тэрээр  Өндөр хурдтай хөгжлийн гол түүчээ, хөдөлгүүр нь шинжлэх ухаан технологи болсон эрин үед бид амьдарч байна. Дэлхийн улс орнууд нийгэм, эдийн засгийн ирээдүйн хөгжлөө шинжлэх ухаан, технологи гэж үзэж, зарцуулах хөрөнгө, санхүүжилтийн хэмжээг эрчимтэй нэмэгдүүлэн, мэдлэгт суурилсан эдийн засаг уруу шилжиж буй ѳнѳѳ үед боловсон хүчин, мэргэжилтэн, судлаачдыг бодлогоор дэмжин бэлтгэх нэн шаардлагатай байна. Гэтэл сүүлийн жилүүдэд манай улсад байгалийн шинжлэх ухааны чиглэлээр суралцаж буй оюутнуудын тоо жилээс жилд буурч, 1990-ээд оны өмнөх үетэй харьцуулбал суурь шинжлэх ухаанаар суралцагсдын тоо цөөрч, шинжлэх ухааны салбарыг дэмжих төрийн бодлого сул явж ирлээ. 1942 онд дайны хүнд жилүүдэд эхлүүлсэн, найман жарныг угтаж буй Монголын шинжлэх ухааны суурийг сулруулахгүй, бэхжүүлэн хѳгжүүлэх, залуу үеэ татан оролцуулах шаардлага бидэнд тулгарч байна. 
Тиймээс УИХ-ын гишүүн А.Ундраа миний бие байгалийн шинжлэх ухаанаар суралцаж буй оюутнуудад бодит дэмжлэг үзүүлэх, тэдний бүтээлч үйл ажиллагааг дэмжихээс гадна оюуны хөдөлмөрийн үнэ цэнэ, ач холбогдлыг онцлох, оюунлаг залуусыг дэмжих зорилгоор энэхүү тэтгэлэгт хөтөлбөрийг санаачлан эхлүүлж байна. Мөн онолын болон хэрэглээний шинжлэх ухааны хөрөнгө оруулалтыг нэмэгдүүлэх, инженер бэлтгэх энтрепренер буюу бүтээлч сэтгэлгээг хөхиүлэн дэмжихэд төр, хувийн сектор, хүмүүнлэгийн байгууллага, сан, хувь хүмүүсийг манлайлан оролцохыг уриалж байна хэмээн цахим хуудсаараа мэдэгджээ. 


Энэхүү тэтгэлэгт хөтөлбөр нь 2018-2021 онд буюу 3 жилийн хугацаанд үргэлжлэх бөгөөд жил бүр болзол, шалгуурыг хангаж амжилттай суралцсан 10 оюутанд тус бүр 1’000’000 /нэг сая/ төгрөгийн тэтгэлгийг 5 оюутанд сурлагын, 5 оюутанд судалгааны санхүүгийн дэмжлэг болгон тус тус шалгаруулан олгох юм. УИХ-ын гишүүн А.Ундраагийн нэрэмжит оюутны тэтгэлгийн 2018 оны сонгон шалгаруулалт 2 сарын 14-ний өдрөөс 3 сарын 20-ныг дуустал явагдах ажээ.


Дэлгэрэнгүй мэдээллийг: www.num.edu.mnwww.undraa.mn МУИС-ийн II байр 216 тоот Оюутны хөгжил, үйлчилгээний газар. Утас 77307730-1511