fbpx Шүүгчид Л.Пүрэвбаатарын толгойг илээд өнгөрөв үү
 
Энэ мэдээ хуучирсан буюу 2018/04/12-нд нийтлэгдсэн мэдээ болно.
Ангилал
Улс төр
Огноо
Унших
7 минут 7 секунд

Шүүгчид Л.Пүрэвбаатарын толгойг илээд өнгөрөв үү

Нийслэлийн иргэний хэргийн давж заалдах шатны шүүхийн танхимд УБТЗ-ын дарга асан Л.Пүрэвбаатарт холбогдох шүүх хурал боллоо. Түүнийг хувь нийлүүлсэн нийгэмлэгийн хөрөнгөөр хувьдаа 1.5 тэрбум төгрөгийн байр авхуулсан гэж буруутгасан юм. Шүүх хурал өглөө 08:30 цагт эхэлсэн.

Улмаар 13:00 цагийн үед УБТЗ ХНН-ийн Олон нийттэй харилцах албанаас шүүх хурлын эцсийн шийдвэрийг нээлттэй танилцуулсан билээ. Уг нээлттэй танилцуулгад “Улаанбаатар төмөр зам хувь нийлүүлсэн нийгэмлэгийн даргаар ажиллаж байсан Л.Пүрэвбаатарын 1.5 тэрбум төгрөгийн үнэтэй хаусыг УБТЗ-д буцаан өгүүлэхээр шүүхээс шийдвэрлэлээ” хэмээн дурдсан байв. Шүүгчдийн үзсэнээр, “УБТЗ” ХНН нь хуульд заасны дагуу бусдын хууль бус эзэмшлээс өөрийн хөрөнгөө шаардах эрхтэй ажээ. Харин Л.Пүрэвбаатар нь уг хаусыг эзэмших, ашиглах эрхгүй тул суллах үүрэгтэй.

Тиймээс шүүхийн шийдвэртэй холбоотойгоор УБТЗ-аас энэхүү өндөр үнэтэй хаусыг дуудлага худалдаагаар зарж, олсон орлогыг төмөр замчдыг орон сууцжуулах хөнгөлөлттэй зээлд зарцуулна гэж мэдэгдэв. Харин бусад шийтгэл, хөрөнгө хувьдаа завшсан зэрэг шалтгааны талаар ямар нэгэн мэдээлэл өгсөнгүй. Ерөөс Л.Пүрэвбаатарыг өндөр үнэтэй байраа буцаагаад өгчих гээд л шүүх хурал өндөрлөсөн бололтой. Тэгвэл энэ этгээд УБТЗ-ын даргаар ажиллаж байхдаа өөр олон асуудалд хутгалдаж байсныг шүүх энэ удаад авч хэлэлцсэнгүй юу, эсвэл хэрэгсэхгүй хаяв уу гэдэг нь анхаарал татаж байна.

Л.Пүрэвбаатар нь УБТЗ ХНН-ийн даргаар хоёр жилийн хугацаанд ажиллахдаа УБТЗ-ын хөрөнгөөр хувьдаа Зайсанд 1.5 тэрбум төгрөгийн үнэтэй хаус бариулж авсан. Энэ асуудал хувь нийлүүлсэн хоёр улсын төрийн хэмжээнд яригдаж байсныг уншигчид санаж байгаа биз ээ. Хамгийн гол нь, мань эрийн мөнгө хувьдаа ашигласан хэрэг үүгээр дуусахгүй. Бүр өмд гуталны асуудал ч олны дунд тоглоом шоглоом болж байлаа.

Тухайлбал, түүнийг УБТЗ-ын мөнгөөр өөртөө гутал авч өмссөн, тэр нь 600 мянган төгрөгийн үнэтэй байсан. Тэрбээр ийн гутал авснаа "Энэ гутлыг чинь би ажлын зориулалтаар өмсөнө” гэж тайлбарласан талаар хэвлэлүүдийн шар мэдээний буланд бичигдэж байсан. Дээр нь мөн л “ажлын зориулалтаар" гэх шалтгаан дурдан албанаас 1.8 сая төгрөг гаргуулж, ноолууран пальто авч байсан нь олны дунд онигоо шиг яригдаж байлаа.

Үүгээр ч зогсохгүй УБТЗ-ын дарга асан Л.Пүрэвбаатар унаж байсан хувийн машинаа албандаа өндөр үнээр шахсан гэдэг. Тухайн үед Төрийн өмчийн хорооноос “Л.Пүрэвбаатар дарга төмөр замын хөрөнгөөс 200 сая төгрөгөөр LEXUS маркийн автомашин, 1.5 тэрбум төгрөгөөр өөртөө орон сууц авхуулсан нь илэрсэн” гэх албан тоот ч илгээсэн нь мөн л сэтгүүлчдийн гарт орж, олон нийтэд хүрсэн.

Тэгж байтал энэ талаар Зам, тээврийн хөгжлийн дэд сайд Б.Цогтгэрэл өөрийн цахим хуудастаа “Пүрэвбаатар гуай! Одоо болоо юм биш үү? УБТЗ-ын мөнгөөр авсан наад байраа чөлөөлж өг. Ерөнхий хороо буцааж аваад нийгэмлэгт, мөнгийг нь эргүүлж авах шийдвэрээ гаргасан. УБТЗ-д өнөөдөр тансаг байр, хаус хэрэггүй. Наад мөнгөөр чинь хэдэн бор замчдадаа гайгүй сайхан орон сууц хэдийг аваад өгчихмөөр байна. Эвээр хэллээ шүү! Бүтэн жил хүлээлээ. Тэвчээр алдарч байна!” хэмээн бичиж байсан.

Энэ бүх дуулиан тасраагүй байхад Л.Пүрэвбаатар газрын наймааны асуудалд ч нэр холбогдоод авчээ. Тодруулбал, 2017 оны хоёрдугаар сард нэр бүхий хэвлэлд түүнийг УБТЗ-ын мэдэл дэх Хандгайт дахь хүүхдийн зуслангийн эдэлбэр газраас нэр бүхий хүмүүст газар хуваарилан шилжүүлэх гэж байсан нь илэрснийг бичиж байв. Тэрбээр 2016 оны есдүгээр сарын 19-ний өдөр Сүхбаатар дүүргийн Өмч, газрын харилцааны албанд хүсэлт гаргасан гэдэг.

Ингэхдээ Л.Пүрэвбаатар Хандгайт дахь хүүхдийн зусланг шинэчлэх төсөл боловсруулж “Хандгайт хүүхэд залуучуудын спорт-амралтын цогцолбор” өргөжүүлэхээр төлөвлөж байна гэсэн байгаа юм. Гэхдээ үндсэн зорилго нь Хандгайтын зуслангийн эдэлбэр газраас байгууллагын өндөр настан, албан хаагчдад зуслангийн зориулалтаар газар эзэмшүүлэхээр шийдвэрлэсэн тухайгаа бичсэн байж. Тэдгээр хүмүүс нь Л.Пүрэвбаатартай ойр дотно харилцаатай хүмүүс байжээ.

Ер нь мань эр хоёр жилийн хугацаанд төмөр замын даргаар ажиллахдаа зүгээр суугаагүй. Тухайлбал, 2015 онд АТГ-аас УБТЗ ХНН-ийн дарга Л.Пүрэвбаатар болон тус нийгэмлэгийн Удирдлагын асуудал хариуцсан замын орлогч даргаар томилогдсон Л.Даваапил нарт хариуцлага тооцох талаар Зам тээврийн сайд М.Зоригтод албан бичиг хүргүүлж байжээ.

Тэр үед Л.Даваапилийг УБТЗ-ын Удирдлагын асуудал хариуцсан замын орлогч даргаар томилогдохоор нэр дэвшихэд АТГ-аас түүний хувийн ашиг сонирхлын урьдчилсан мэдүүлгийг хянан үзжээ. Улмаар Л.Даваапил нь хууль зөрчсөн нь тогтоогдсон байна. Ингээд Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.2 дахь хэсэгт заасныг зөрчсөн гэж үзжээ.

Гэтэл УБТЗ ХНН-ийн дарга Л.Пүрэвбаатар АТГ-ын шийдвэрийг үл хэрэгсэж, Л.Даваапилийг ажилд томилсон байна. Л.Даваапилийн хувьд Эрүүгийн хуулийн тусгай ангийн 111 дүгээр зүйлээр шалгагдаж.шүүхээс хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх буюу 9,792,000 төгрөгөөр торгох ялаар шийтгүүлж байжээ. Хамгийн гол нь түүнийг ажилд томилох үед ял эдэлж буйд тооцох хугацаа дуусаагүй байсан гэдэг.

Ер нь Л.Пүрэвбаатарын өдүүлсэн асуудлыг тоочвол нэлээд урт жагсаалт хөвөрнө. Харин түүнийг шүүхээс зөвхөн 1.5 тэрбумын хаус бариулж, хувьдаа авсан гэдгээр нь л авч хэлэлцэж, тэрийгээ буцаагаад өгчих гэх төдийгөөр шийтгэсэн нь хачирхалтай.

                                                                                         Эх сурвалж Өглөөний сонин

УИХ-ын дарга  М.Энхболд: С.Баярыг суллуулахаар ёс суртахуун надад байхгүй гэв
УИХ-ын дарга М.Энхболд: С.Баярыг суллуулахаар ёс суртахуун надад байхгүй гэв
 
Ж.Цолмон: Хиймэл оюун ухаанд бид захирагдах уу, бид захирах уу?
Ж.Цолмон: Хиймэл оюун ухаанд бид захирагдах уу, бид захирах уу?
Энэ мэдээ хуучирсан буюу 2018/04/12-нд нийтлэгдсэн мэдээ болно.

Шинэ мэдээ

Ж.Цолмон: Хиймэл оюун ухаанд бид захирагдах уу, бид захирах уу?

Ж.Цолмон: Хиймэл оюун ухаанд бид захирагдах уу, бид захирах уу?

ЦЕГ: Цагдаа хүчиндээгүй, хамаатны ах Т хэргийг үйлдсэн & Цагдаагаар ажиллаж байхдаа охиныг хүчиндсэн

ЦЕГ: Цагдаа хүчиндээгүй, хамаатны ах Т хэргийг үйлдсэн & Цагдаагаар ажиллаж байхдаа охиныг хүчиндсэн

М.Бадарч: Тавын даваанд намайг даваагаа наймаалцчих гээд 800 сая төгрөг санал болгосон хүмүүсийг хардаж байгаа

М.Бадарч: Тавын даваанд намайг даваагаа наймаалцчих гээд 800 сая төгрөг санал болгосон хүмүүсийг хардаж байгаа

Дуучин BX энд гарч ирэв

Дуучин BX энд гарч ирэв

Харьсан бөх Б.Ариун-Эрдэнэ Монголын төрд ямар хэрэг болох вэ дээ?

Харьсан бөх Б.Ариун-Эрдэнэ Монголын төрд ямар хэрэг болох вэ дээ?

Б.Батбаяр: Монгол Улсад сүүлийн 20 жил тохиолдсон хамгийн том гамшиг бол популизм

Б.Батбаяр: Монгол Улсад сүүлийн 20 жил тохиолдсон хамгийн том гамшиг бол популизм

10-р тойрогт ялагдахаа мэдсэн О.Номинчимэг намын жагсаалт руу зүтгэж эхэлжээ

10-р тойрогт ялагдахаа мэдсэн О.Номинчимэг намын жагсаалт руу зүтгэж эхэлжээ

Н.Учрал: Өчигдөртэй харьцуулахад өнөөдөр асар их өөрчлөлт гарсан

Н.Учрал: Өчигдөртэй харьцуулахад өнөөдөр асар их өөрчлөлт гарсан

“Тэнүүн Огоо“ ХХК-ийн хөрөнгийг 75 тэрбумаар үнэлж, нийслэлийн өмчид бүртгэж авчээ

“Тэнүүн Огоо“ ХХК-ийн хөрөнгийг 75 тэрбумаар үнэлж, нийслэлийн өмчид бүртгэж авчээ

ЦЕГ: Өмгөөлөгч Б арын суудал дээр нас барсан байдалтай олдсон, хохирогчийн нэр дээр бүртгэгдсэн галт зэвсэг, сум, хонгио, гар утас болон бусад зүйлийг эд мөрийн баримтыг бэхжүүлэн авсан

ЦЕГ: Өмгөөлөгч Б арын суудал дээр нас барсан байдалтай олдсон, хохирогчийн нэр дээр бүртгэгдсэн галт зэвсэг, сум, хонгио, гар утас болон бусад зүйлийг эд мөрийн баримтыг бэхжүүлэн авсан

Г.Дашням улс төрд орохдоо л МАН-ын дүрмийг зөрчсөн үү?

Г.Дашням улс төрд орохдоо л МАН-ын дүрмийг зөрчсөн үү?

Л.Чинбатыг маргааш шүүнэ, түүний хүн дайрах үйлдлийг бичлэгээр илчилсэн иргэнийг яллагдагчаар татсан гэв үү

Л.Чинбатыг маргааш шүүнэ, түүний хүн дайрах үйлдлийг бичлэгээр илчилсэн иргэнийг яллагдагчаар татсан гэв үү

Т.Сүхболд генералд “тэсэлсэн”-үүдээ эцэслэх үүрэг бий

Т.Сүхболд генералд “тэсэлсэн”-үүдээ эцэслэх үүрэг бий

“...Сонгуулийн санхүүжилт” гэсэн банк дахь доллар, чингэлэгтэй юанийг СМА юу гэдэг вэ?!

“...Сонгуулийн санхүүжилт” гэсэн банк дахь доллар, чингэлэгтэй юанийг СМА юу гэдэг вэ?!

Ц.Уянга: Л.Оюун-Эрдэнэ, Х.Баттулга, “HERO” Б.Баатар нарын гурвал хэзээ ч салахгүй нь...

Ц.Уянга: Л.Оюун-Эрдэнэ, Х.Баттулга, “HERO” Б.Баатар нарын гурвал хэзээ ч салахгүй нь...

Шүүхийн нотолсон “Эрүүдэн шүүсэн хэрэг”-ийг нууцаас гаргах уу?

Шүүхийн нотолсон “Эрүүдэн шүүсэн хэрэг”-ийг нууцаас гаргах уу?

126 гишүүнийг ингэж “дэглэнэ”

126 гишүүнийг ингэж “дэглэнэ”

Интерполын “Улаан булант” зар мэдээгээр эрэн сурвалжлагдаж байсан Монгол Улсын иргэн “М”-г албадан авчирчлаа

Интерполын “Улаан булант” зар мэдээгээр эрэн сурвалжлагдаж байсан Монгол Улсын иргэн “М”-г албадан авчирчлаа

Байр суурь: Намуудын дарга нар СЕХ-нд хүсэлтээ өгөхдөө юу өгүүлэв

Байр суурь: Намуудын дарга нар СЕХ-нд хүсэлтээ өгөхдөө юу өгүүлэв

Баабар: Хөгжлийн диалектик

Баабар: Хөгжлийн диалектик

Цагаан суваргын 34 хувь МАК-д үлдэх үү, Баялгийн санд ирэх үү?!

Цагаан суваргын 34 хувь МАК-д үлдэх үү, Баялгийн санд ирэх үү?!

Л.Оюун-Эрдэнэ: Алсаас агсам тавьж байхаар гутлаа тослоод, зангиагаа зүүгээд, нөхдөө хөтөлж ирээд шалгуулчих хэрэгтэй

Л.Оюун-Эрдэнэ: Алсаас агсам тавьж байхаар гутлаа тослоод, зангиагаа зүүгээд, нөхдөө хөтөлж ирээд шалгуулчих хэрэгтэй

Өмгөөлөгч нас барсны дараа Б.Булганыг хамгаалалтад авчээ

Өмгөөлөгч нас барсны дараа Б.Булганыг хамгаалалтад авчээ

С.Зориг амиа алдахын өмнөхөн түүнтэй ресторанд уулзсан хүмүүс ам нээгээд эхэллээ

С.Зориг амиа алдахын өмнөхөн түүнтэй ресторанд уулзсан хүмүүс ам нээгээд эхэллээ

“Шинчеонжи” шашны хохирогч П.Ариунгэрэл: Өндөр боловсролтой эгч маань шашны гаж урсгалд ороод ар гэрээ ч танихгүй болчихлоо

“Шинчеонжи” шашны хохирогч П.Ариунгэрэл: Өндөр боловсролтой эгч маань шашны гаж урсгалд ороод ар гэрээ ч танихгүй болчихлоо

ХЗДХ-ийн сайд Б.Энхбаярыг албадан ирүүлэх шүүгчийн захирамж гаргажээ

ХЗДХ-ийн сайд Б.Энхбаярыг албадан ирүүлэх шүүгчийн захирамж гаргажээ

Төр хөдөлж эхэлтэл тэдний эрхийг Г.Жамъян сэтгүүлч “манасан”

Төр хөдөлж эхэлтэл тэдний эрхийг Г.Жамъян сэтгүүлч “манасан”

Цаазын ялгүй болсноос хойш хэрэгтнүүд гэмшиж, айх нь багассан гэв

Цаазын ялгүй болсноос хойш хэрэгтнүүд гэмшиж, айх нь багассан гэв

“Шинэ хоршоо-Чинээлэг малчин” хөтөлбөрийн хүрээнд малчдад зургаан хувийн хүүтэй, 50 хүртэлх сая төгрөгийн зээл олгоно

“Шинэ хоршоо-Чинээлэг малчин” хөтөлбөрийн хүрээнд малчдад зургаан хувийн хүүтэй, 50 хүртэлх сая төгрөгийн зээл олгоно

Цаг хугацаа агуу шүүгч гэдгийг “...Цагаан суваргын ордод Төр хувь эзэмшихгүй” гэсэн УИХ-ын тогтоол харуулж байна шүү, улстөрчид өө?!

Цаг хугацаа агуу шүүгч гэдгийг “...Цагаан суваргын ордод Төр хувь эзэмшихгүй” гэсэн УИХ-ын тогтоол харуулж байна шүү, улстөрчид өө?!

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​