АТГ-аас “Петровис”-ын Ж.Оюунгэрэл, УИХ-ын гишүүн Б.Дэлгэрсайхан нарыг шалгаж байна


Оффшор бүс буюу дэлхийн тэрбумтан, супер баячуудын мөнгөө хадгалуулж, хөрөнгө эргэлдүүлдэг бүсэд давхардсан тоогоор Монгол Улсын 49 иргэн данстай болохыг Олон улсан эрэн сурвалжлах сэтгүүлчдийн консерциумынхан мэдээлээд байгаа билээ.

Тэдний дотор улс төрийн өндөр албан тушаалтан, УИХ-ын гишүүн болон өмнө нь төрийн өндөр алба хашиж байсан эрхмүүд, бизнес эрхлэгчид цөөнгүй байгаа юм. Мөн тус байгууллагаас өнгөрсөн арваннэгдүгээр сарын эхээр “Парадайз”-ын буюу “Диваажингийн баримт”-д нэрс нь багтсан хүмүүсийг ээлж дараатайгаар зарлаж эхэлсэн. Тус баримтад ч цөөнгүй монголчууд байгаагаас “Петровис” ХХК-ийн захирал Ж.Оюунгэрэл, “Цагаан шонхор”-ын Ч.Энхтайван зэрэг 10 гаруй хүний нэр тодроод буй.

Өнөөдөр УИХ-ын Хууль зүйн байнгын хорооны дарга, гишүүд Авлигатай тэмцэх газар /АТГ/-ын үйл ажиллагаатай танилцлаа. Энэ үеэр “оффшор”-ын асуудлаар АТГ-ын дарга Х.Энхжаргал дэлгэрэнгүй мэдээлэл өгсөн бөгөөд УИХ-ын гишүүн Б.Дэлгэрсайхан, “Петровис” ХХК-ийн захирал Ж.Оюунгэрэл нарыг шалгаж байгаагаа дуулгажээ.

Тэрбээр “Хуулийн дагуу 2018 оны хоёрдугаар сарын 03-ны дотор оффшор бүсээс хөрөнгөө татаж эцсийн байдлаар мэдээллээ ирүүлэх ёстой. Гэхдээ хөрөнгө татах хугацааг Засгийн газраас өөрчилж магадгүй гэсэн мэдээлэл байгаа. Тэгвэл энэ хугацаа хойшилно гэсэн үг. Уг нь Ерөнхийлөгч офшороос хөрөнгө татах 49 хоногийн хугацаа өгсөн. Харамсалтай нь үүний дагуу хүмүүс хөрөнгөө оруулж ирээгүй тул Мөрдөн байцаах хэрэг 157-оор өсөж 387 болсон. Офшорын тодорхой бүсүүдийг зарлачихсан. С.Баярцогттой холбоотой асуудлууд гүнзгийрч байгаа. УИХ-ын гишүүдээс эхлээд Ц.Оюунгэрэл, Б.Дэлгэрсайхан нарыг шалгаж байгаа. Офшорт байгаа хөрөнгөө татвараас нуусан уу гэдгийг тогтоох хэрэгтэй. Тухайн шалгуулж байгаа хүн өөрөө эхлээд офшорт байгаа хөрөнгийнхөө талаар мэдээлэх боломжтой. Хэрвээ өөрөө мэдээлэл өгөхгүй бол бид шалгалт явуулна" гэсэн байна.


Энэ мэдээ таалагдаж байвал:


  • ЗОЧИН · [202.179.24.17] · 2017/12/05

    хөөрхий дөө хэдхэн Халтар төгрөгнөөс болж Ард иргэддээ Чичлүүж адлуулж муу муухайгаараа дуудуулж явах нь тийм сайхан юм байх даа Цаашилбал Үр хүүхэд Ач гучаа бодсон ч тэр тэд чинь насаараа л Хулгайчийн хүүхэд гээд л Үе тэнгийхэндээ дуудуулж Доромжлуулж явах нь байна шүү дээ Оюунгэрэл авгай минь


  • Са ах · [66.181.160.79] · 2017/12/05

    АТГ зүгээр энэ их мөнгийг ямар эх үүсвэрээр олж авсан бэ гэдгийг л асуу баримтаар нотлуул тэгээд л цаашид бүх зүйл тодорно.


  • Shar tokhoi · [185.75.139.248] · 2017/12/05

    Ichej yhemeer mapuudiig bygediig ni Haytad ulsiin khuuli shig tsaatsal novshnuudiig .Tegehgyi bol ene uls hetseech sain saihan bolokhgyi .Sy.Batbold aimshagtai mapiin etgeed bna .Ulaan zaim delkhiid zarlagdsan luivarchidiig uyg ni shalagdag uym shyyd yaliig hatuu og.


  • ZOCHIN · [27.123.212.139] · 2017/12/05

    ЭНЭ АВГАЙ САЯХАН ТӨРСӨН ӨДРӨӨ МОСКВА ДАХЬ ЭСЯ-НЫ НУУЦ КАЗИНОД АНГЛИД БУЙ ЭЛЧИН С.БАЯР,УИХ-Н ГИШҮҮН Сү БАТБОЛД,М Си Эс-Н ОДЖАРГАЛ НАРЫН ХАМТ 7 ХОНОГ АРХИДАН ЗАД ШААЛЦАЖ ТЭМДЭГЛЭСЭН ГЭСЭН МЭДЭЭ БАЙСАН,НУУХ ЁСТОЙ МӨНГӨ ХӨРӨНГИЙГ ОФФШОРТ БАЙРШУУЛДАГ ДЭЛХИЙН ЖИШИГ БАЙДАГ АЖ,ОДОО ЭНЭ АВГАЙ ТӨРИЙН НЭРТЭЙ АРД ТҮМНИЙ ӨМЧИЙГ ЯАЖ ЛУЙВАРДАН ХАГАРТЛАА БАЯЖСАНАА ХЭЛЭХ,ТЭНД НУУСАН МӨНГӨ ХӨРӨНГӨӨ МУ-Д ОРУУЛЖ ИРЭЭД ЛУЙВАРДСАН ХУЛГАЙЛСАН МӨНГӨӨ ТӨРД ТУШААЧИХВАЛ ОФФШОР НЬ ЦАЙРНА,ЭС БӨГӨӨС ЭРҮҮГИЙН ХАРИУЦЛАГА ЯРИГДАХ АЖ.


  • Монгол иргэн · [202.9.43.126] · 2017/12/05

    Энэ авгай тэнгэрээс мөнгөтөй болсон биш Монголын ард түмний хөрөнгийг ардчлал нэрээр луйвардаж аваад монопольдож баяжаад бас цадахгүй аядаг амьтан бээ хөрөнгийг нь хурааж ав ядаж Монголдоо байлгахгүй