0Цар тахлыг дарах гол хэрэгсэл вакцинжуулалтад УИХ-ын нэр бүхий гишүүд саад хийсэн хэмээн Ерөнхий сайд өмнө нь мэдэгдэж байсан.
Тэгвэл тэрээр тэрхүү гишүүний нэрийг зарласан.
Ерөнхий сайд Л.Оюун-Эрдэнэ: “Вакцинжуулах ажлыг улстөржүүлсэн олон асуудал байсан. Энэ асуудалд нэлээд онцгой үүрэг гүйцэтгэсэн хүн бол УИХ-ыни дэд дарга С.Одонтуяа, түүний гэр бүлийн хүн Г.Өлзийнбүрэн нар юм. Хэвлэл мэдээллийн зарим сэтгүүлч нартай холбогдон энэ асуудлыг ярьсан. Мөн гаалийн байцаагч нар руу утастаж, дарамталсан асуудал гарсан.
Төрийн өндөр дээд албан тушаал хашиж байгаа хүн эрх мэдлээ урвуулан ашиглаж болохгүй гэдэг хатуу байр сууринаас энэ хүний нэр, гэр бүлийн хүнийг зарлачих нь зүйтэй байх гэж бодож байна. Энэ асуудлыг хууль хяналтын байгууллагад хандаж, шалгуулна.
УИХ-ын дэд дарга хүн гаалийн байцаагч руу утасдаад гаалиар ийм бараа орж ирсэн үү? үгүй юү? гэдэг, эсвэл нөхөр нь шүүх хууль хялналтын байгууллагатай холбогдон Засгийн газрын явуулж байгаа үйл ажиллагааг гуйвуулах байдлаар зөвлөгөө өгч, санхүүжүүлэх нь ёс зүйд таарахгүй гэж үзэж байна.
Энэ хувь хүний эрх чөлөө байж болно. Гэхдээ үүний цаана улс, Засгийн газрын асуудал яригдаж байна. Маш харамсмаар үйлдэл УИХ-ын дэд дарга болон түүний гэр бүлийн хүнээс гарсан. Би маш их харамсч байгаа. Цаашдаа ийм асуудал гарвал хэлээд явна. Энэ нь Л.Оюун-Эрдэнийн асуудал биш. Цар тахал, Монгол Улсын аюулгүй байдлын асуудал. Нэг ширхэг ч вакцин авчирч чадахгүй, үйлдвэрлэж чадахгүй байж битгий вакцин судлаач бол гэж хатуу анхааруулж хэлмээр байна” гэсэн юм.
Тэгвэл энэ асуудалд С.Одонтуяа гишүүн байр сууриа илэрхийлжээ. Тэрээр "Би вакцин татаж авах хөрөнгөө төсөвт суулгаач, мөн иргэдэд вакцинаа сонголттой хийлгэх боломж олгооч гэсэн хоёр өнцгөөс л дуугарч ирсэн. Энэ агуулгаар Засгийн газрын үйл ажиллагааг шүүмжилсэн нь үнэн. Шүүмжилсний төлөө ийм үндэслэлгүй асуудлаар гүтгэж байна. Үүнийг хуулийн байгууллагад хандаж шалгуулна.
Сөрөг хүчин бол эрх баригч талыг шүүмжлэх, тэдэнд хяналт тавих эрх үүрэгтэйгээр үйл ажиллагаа явуулдаг. Үүнийгээ хийсний төлөө ийм хандлага үзүүлж болохгүй. УИХ-ын чуулган дээр хэд хэдэн удаа Ерөнхий сайдыг өөрөө орж ирж, цар тахлын нөхцөл байдлаа тайлагна гэж асуудал тавьсан нь үнэн. Харин вакцин гацаах санаа ямар ч монгол хүнд байхгүй. Эсрэгээрээ өөрсдийнх нь үйл ажиллагаа вакциныг гацаасныг нотлох болно гэдгээ мэдэгдэж байна” хэмээн энд тэндгүй улстөржсөн мэдэгдэл хийж явна.
Угтаа С.Одонтуяагаас вакцинтай холбоотой хийсэн үйлдэл нь үнэн худэл эсэх, түүнийгээ нотлосон баримтыг л олон нийт хүлээж байгаа юм.
Эх сурвалж: shuurhai.mn
