Сэтгүүлч М.Батбилэг МАН-ын дарга У.Хүрэлсүхтэй өчигдөр орой цаг үеийн асуудлаар ярилцлаа.
Энэ үеэр цаг үеийн асуудлаар МАН-ын дарга У.Хүрэлсүх "Ц.Анандбазарыг гишүүнээс нь түтгэлзүүлээд шалгуул гэж намын даргын хувьд зарчмын байр сууриа илэрхийлсэн. Гэхдээ өөрөө өргөдлөө өгч байж эсвэл хууль хяналтын байгууллага түтгэлзүүлж байж шалгана. Үгүй бол намаас нь түтгэлзүүлэх асуудлыг хүртэл ярьж байгаа. Гэм буруугүй гэвэл намдаа эргүүлж авах асуудал яригдаж байгаа." гэж мэдэгдсэн.
Тэгвэл өнөөдөр 12:00 цагт МАН-ын Хяналтын хороо хуралдаж Ц.Анандбазарыг МАН-аас нь түдгэлзүүлэх эсвэл хөөх асуудлыг ярилцаж магадгүй байгаа талаар эх сурвалж мэдээллээ.
Гишүүн Ц.Анандбазарыг хүмүүсийн гаргасан гомдлын дагуу цагдаагийн байгууллага шалгаж байгаа аж.
эх сурвалж: arslan.mn
