Японы Сүмо бөхийн холбоо шинэ ёкозүна мэндлэх цаг болсныг шивнэж эхэлжээ. Какирюү зодог тайлсан. Хакүхо зургаан башё буюу бүтэн жил тойрон өнжсөн. Түүнд зодог тайлах сануулгыг нэг бус удаа өгсөн. Хавар, зуны башё их аваргыг үгүйллээ.
Тэгвэл аваргын хоосорсон энэ орон зайг Монголын бөх, 29 настай, сарын өмнө озеки цолоо эргүүлэн авсан Тэрүнофүжи эзлэхэд ойртсон байна.
Тэрбээр 2017 онд анх озеки цолонд хүрч, өвдөгний бэртлээс амжилт нь буурч, доод дэвжээ рүү унаж байсан түүхтэй. Гэвч тэр дээд зиндаанд 2020 оны долдугаар сард эргэж ирсэн даруйдаа хоёр удаа түрүүлсэн. Өнгөрсөн башёд түрүүлснээр гурав дахь цомоо оргож, озеки цолоо эргүүлэн авсан. Зуны башёд ганцаараа итгэл төгс тэргүүлж буй түүнийг дараалан түрүүлбэл ёкозүна цол олгох болзлыг Японы Сүмо бөхийн холбоо хэлэлцэж магадгүй болжээ гэж зарим хэвлэл мэдээллээ.
Эх сурвалж: "Зууны мэдээ" сонин
