БШУ-ны сайд Л.Энх-Амгалан өнөөдөр халдлагад өртжээ. Тэрээр өнөөдөр 18.00 цагт яамны нэг давхарт “Залуус-Хөгжлийн түүчээ” олимпиадад шилдэг байранд шалгарсан сурагчдад шагнал гардуулах ёслолд оролцох товтой байсан байна. Арга хэмжээ эхэлж салбарын сайд танхимд орж ирэх үед түүн рүү халджээ.

Энэ тухай ч Л.Энх-Амгалан сайд цахим хуудсаараа мэдэгджээ. Тэрээр "Насанд хүрээгүй хүүхдэд вакцин хийхгүй ээ гэдгийг нийт эцэг эхчүүддээ салбарын сайдын хувьд хариуцлагатай хэлье. Монгол Улсын засгийн газар болоод Боловсрол, шинжлэх ухааны яамнаас, мөн миний зүгээс ийм шийдвэр болоод үг, үйлдэл хийгээгүй болохын мэдэгдэж байна. Мөн энэ сэдвээр далимдуулж миний амь насанд халдах оролдлого хийсэнд гүнээ харамсаж байна" гэжээ.

Халдсан этгээв Д.Совд гэх иргэн аж. Тэрээр хүүхдүүдэд вакцин хийхийг эсэргүүцэж пэйсбүүк сүлжээнд үзэл бодлоо илэрхийлж байжээ. Мөн өнөөдөр БШУЯ-ны үүднээс уг асуудлаар лайв хийсэн байна. Түүний дараа ийнхүү салбарын сайд руу халджээ. Тэрээр дайрах үедээ гартаа хутгатай байсан гэх мэдээлэл байгаа бөгөөд сайд Л.Энх-Амгалангийн толгой руу хүчтэй цохиж байсан гэнэ. Хэдийгээр ноцтой гэмтэл учраагүй ч сайд Л.Энх-Амгалангийн нүдний шил нь хагарч, нүүр нь шалбарсан гэнэ.

Эх сурвалж: shuurhai.mn