Өнөөдөр Монгол Улсын Ерөнхийлөгчийн сонгуульд нэр дэвшигчид үнэмлэхээ гардан авч байна. Энэ үеэр СЕХ-ноос мэдээлэл хийлээ.
СЕХ-ны Мэдээлэл, судалгаа, арга зүйн хэлтсийн дарга Б.Оюумаа “Иргэдийн мэдэх эрхийн тэгш хүртээмжийг хангаж, сонгуулийн сурталчилгаа хадмал болон заавал дохионы хэлмэрчтэй байна гэж хуульд заасан. Саналын хуудас болон санал тоолох төхөөрөмжийг эхнээсээ орон нутагт хүлээлгэж өгсөн.
Сонгуулийн сурталчилгааг хэрхэн явуулах талаар мэргэжлийн байгууллагууд заавар, зөвлөмжөө гаргаж байна. Ингэхдээ аль болох гадна, задгай талбай дээр уулзалт зохион байгуулах, оролцсон хүмүүсийн халууныг хэмжих, бүртгэх зай барих зэргээр зохион байгуулна. Мөн ирсэн хүмүүс хүүхэд авчирч болохгүй. Хэрэв битүү орчинд уулзалт хийх бол агааржуулалтыг маш сайн хангаж өгсөн байх шаардлагатай. Түүнчлэн тусгаарлалтад байгаа иргэдээс зөөврийн хайрцгаар санал авна” гэлээ.
Эх сурвалж: shuurhai.mn
