Сүүлийн үед ОХУ, Украины харилцаа улам хурцдаж буй. ОХУ сүүлийн хагас жилийн хугацаанд Украины хилийн ойролцоох цэргийн тоогоо нэмэгдүүлж байгаа нь тус бүс нутгийг тогтворгүй байдалд хүргэж, дайн өдөөх хэмжээнд хүргэж магадгүй хэмээн олон улсын хэвлэлүүдэд бичиж байгаа юм.
Барууны тагнуулаас мэдээлснээр ОХУ Украины хилийн ойролцоо 100 мянган цэрэг болон танк, их буунуудаа байршуулсан гэж ВВС мэдээлсэн. 2022 оны нэгдүгээр сарын эцэс гэхэд Украины хил дээрх орос цэргүүдийн тоо 175 мянга болж өснө гэж Вашингтон таамаглаад буй. ОХУ 2014 онд Украин руу цэрэг оруулж Крымийг өөртөө нэгтгэсэн үетэй ижил хэмжээний цэргүүдийг хилийн ойролцоо байршуулсан гэж НАТО-гийн Ерөнхий нарийн бичгийн дарга хэлжээ.
Тэгвэл Украин улс дан ганц цэргийн хүчнийхэн бус ард иргэд болон нөөцийн цэргүүдээ дайнд бэлтгэж байна.
