-Британийн цэргийн тагнуулын мэдээлснээр, зүүн хойд зүгээс Киев рүү давшиж буй Оросын цэргүүдийн давшилт зогсонги байдалд орсон бөгөөд тэдний хүчний дийлэнх хэсэг Украины нийслэлээс 25 гаруй км-ийн зайд үлдэж байна.

- "Киевийн хойд хэсэгт ширүүн тулалдаан үргэлжилж байна" гэж Украины Батлан ​​хамгаалах яам мэдэгдэв.

- Гостомелээс баруун хойд зүгт давшиж байсан Оросын хүчнүүд Украины армийн ширүүн эсэргүүцлээр няцаагдсан гэж Британийн цэргийн тагнуулын алба мэдэгджээ.

- Киев Оросын цэргийн гол бай хэвээр байна гэж Их Британийн батлан ​​хамгаалахын байгууллага мэдэгдээд энэ долоо хоногт Оросын арми хотыг бүслэх зорилгоо нэн тэргүүнд тавих болно гэв.

- Киев хотод дахин хөл хорио тогтоолоо. Хотын дарга Виталий Кличкогийн хэлснээр хөл хорио орой 20:00 цагаас эхэлж, гуравдугаар сарын 23-ны 07:00 цаг хүртэл үргэлжилнэ.

- Латви улс Оросын хөлөг онгоцыг өөрийн боомт руу нэвтрүүлэхийг хориглох шийдвэр гаргахаар бэлтгэж байна гэж тус улсын Тээврийн сайд мэдэгдэв.

- Орос улс Мариуполь дахь байлдааны ажиллагааны үеэр томоохон хэмжээний дайны гэмт хэрэг үйлдсэн гэж Европын холбооны дипломат албаны тэргүүн Жозеп Боррел мэдэгдэв. Тэрээр Оросын арми хүмүүсийг ялгаварлан гадуурхаж, Мариуполь хотыг бүрмөсөн устгаж, дайны дүрэм журмаас гадуур ажиллаж байна гэв.

- Оросын хөлөг онгоцууд Одесса хотыг өглөөгүүр буудсаны улмаас хэд хэдэн байшин эвдэрсэн гэж Одесса ОБА-ны шуурхай штабын хэвлэлийн төлөөлөгч Амиа алдсан, бэртэж гэмтсэн хүн байхгүй аж.

- АНУ-ын Ерөнхийлөгч Жо Байдены Брюссельд хийх айлчлалын үеэр тав дахь удаагийн хориг арга хэмжээний хүрээнд Европын холбоо Оросын нефтийг худалдан авахаас татгалзах асуудлыг хэлэлцэж байна.