Төрийн соёрхолт, түүхч Д.Өлзийбаатар АН-ын даргын сунгаатай холбоотой асуудлаар байр сууриа илэрхийлжээ.

Тодруулбал тэрээр: "Би энэ хүнийг АН-ын дарга болохыг дэмжинэ ээ. Элдвээр л муулж байна. Гэхдээ Баттулга яг одоогийн ягтчихаад байгаа олон түмний төлөөлөл юм шүү дээ. Түүнд нэг эр хүний сайхан жудаг, үнэр байдаг. Зүгээр л яг байгаагаараа байдаг эр. АН-ын дарга болчихоосой гэж бодож сууна. Жич: Надад Төрийн соёрхол гэдэг эрхэм цол олгоход Баттулга: “Арай залуу байна шүү дээ” ( Би тэгэхэд 57 настай байв, улс төрд залуу нас хүний хорвоод ахимаг нас л даа) гэж хэлж байсан юм гэнэ лээ. Харин өөр хүмүүс, тал талаас нь ятгаж өгүүлсэн юм гэсэн, дараа нь тэр тухай ярьж л байлаа. Түүний талаар ганц нэг үг хэлэхээр хариу барьж байна гэж хүмүүс ярьдаг л юм. Үгүй шүү дээ, миний түүнд өгөх хариу бол Монголыг Монголоор нь үлдээх гэсэн үг л байдаг түүн дээрээ ч нэгддэг. Өөр юм байхгүй. Уулзалгүй олон жил болж, олон ч дайсан болон дэмжигчтэй болж тэр.

Монголын түүхэнд олон жил ажиглагдсан нэг юм байдаг. “Дээр байсан түшмэд хөл алдах цагт доор байсан хүмүүс ухаарах” гэж. Одоо бид дээрээ ч, доороо ч хөл алдаж. Үндсэндээ живж байна. Ийм цаг үед Уулзаж учирч ярьж хөөрч маргаж мэтгэж эвдэрч эвлэж яваад хэн бэ гэдгийг нь мэдсэний учир би Баттулгыг АН-ын дарга болчихоосой гэж бодож сууна.

Тэр Оросын хүн биш гэдгийг би сайн мэднэ, би ЗХУ-ын Монголд явуулсан аймшигт харгислалыг үзэн яддаг хүн.

Тиймдээ ч би өөрийнхөө сонсдог номонд ний нуугүй илэн далангүй хэлсэн. Магадгүй үүнийг хэлсний төлөө л тэр над эрхэм шагнал өгсөн юм билүү хэн мэдлээ?! Монголын төлөө дуугарсан бүхэн Монголын дайсан болдог түүх бий. Мэргэн дүү нар мэдтүгэй! " гэсэн байна.

sonin.mn