Засгийн газрын ээлжит хуралдаан үргэлжилж байна. Өнөөдрийн хуралдаанаас гаргасан шийдвэрийг танилцуулж байна.
Эрчим хүчний сайд Н.Тавинбэх, Өнөөдрийн Засгийн газрын хуралдаанд Эрчим хүчний яамнаас Эрдэнэбүрэнгийн усан цахилгаан станцын талаарх мэдээллийг танилцууллаа. Барилга, угсралтын ажил эхлэхэд бэлэн болсон. Ганц асуудал нь нөлөөлөлд автсан иргэдийн асуудал байгаа. Шинээр бий болгох усан сангийн газарт мал маллаж амьдарч байгаа нутгийн иргэд юм. 270 өрх бий. Үүний ард 1251 иргэн байгаа.
Өнөөдрийн эрх зүйн зохицуулалтаар иргэнд зөвхөн үндсэн хөрөнгийн үнэлгээг хийж нөхөн олговор олгож байна. Энэ олговрын хэмжээг нэмэгдүүлэх талаар ярилцаж байна. Биет бус соёл, үнэт өвийн үнэлгээг хийлгэхээр санал боловсруулаад ерөнхий сайдтай зөвшилцсөн тул ирэх долоо хоногийн Засгийн газрын хуралдаанаар хэлэлцэнэ.
Монгол Улсын Засгийн газар нөлөөлөлд автсан иргэдийнхээ амьдралыг дордуулахгүй, дээшлүүлж, ойлголцолд хүрсний дараа үйл ажиллагааг эхлүүлнэ.