АН-аас Улсын Дээд Шүүхэд шаардлага хүргүүллээ.
Шаардлага хүргүүлэх үеэрээ АН-ын ХЭГ-ийн дарга Б.Ган-Очир: " АН-ын даргын сунгааны сурталчилгаа өндөрлөж, 4-р сарын 3-нд санал хураалт болох гэж байна. Гэтэл АН-ын дарга асан С.Эрдэнэ Улсын Дээд Шүүхэд АН-ын дүрмийг өөрчлөх тухай хүсэлт өгчээ. Уг хүсэлтийнх нь дагуу шүүх хурал өнөөдөр болох гэж байна. Улсын Дээд Шүүх уг асуудлыг хэлэлцэх огт шаардлаггүй. АН-ын дүрмийг хэн нэгэн хүн байшин дотроо суугаад хаа нэг газар засчихаад өөрчлүүлье гэж болохгүй. АН-ын дүрмийг өөрчлөхийн тулд нийт найман процессийг дамждаг. Гэтэл уг процессүүд болоогүй. Үүнтэй холбоотой албан бичгийг АН-аас Улсын Дээд шүүхэд авчирч өгч байна. " гэв.
Мөн АН-ын жирийн гишүүн эмэгтэй: "С.Эрдэнээгийн бусармаг үйлдлийг эсэргүүцэж байна. С.Эрдэнээгээс би гуйж байна. С.Эрдэнэ ээ, чи АН-ын 200 мянган гишүүнийг битгий талцуул, хилэгнүүл. Хэрвээ энэ дүрмийг өөрчлөлтийг батлах юм бол үндэсний хэмжээний бослого гаргана шүү. Уур хүрээд байна" гэсэн юм.
Х.Цэцэг
sonin.mn
