НЭГ. Ардчилсан Намын гаднаас өдөөсөн дотоод хагарал, зөрчилд цэг тавьж, тамга тэмдэгтэй, дүрмээ хэрэгжүүлдэг ёс зүйтэй хүчтэй сөрөг хүчин болгож чадах цор ганц нэр дэвшигч гэж үзэж байгаа учир;
ХОЁР Х.Баттулга нь Ерөнхийлөгчийн албыг хаших үедээ МАНАН бүлэглэлийн үйлдсэн, эзэн холбогдогч нь тогтоогдсон гэмт хэргүүдэд хуулийн хариуцлага тооцох чанд хатуу зорилго тавин тэмцснийг нь гүйцээж, үр дүнд хүргэхийн ТӨЛӨӨ;
ГУРАВ. Төрийн албан тушаалыг үнэлэн, наймаацсан 60 тэрбумын хэргийг илчлэн тэмцсэн, улс төрчид, төрийн албан хаагчдын хууль бусаар олсон мөнгөний гарал үүслийг тогтоох, ОФФШОР дансан дахь мөнгийг илрүүлэн, татах ажиллагааг санаачлан зохион байгуулж 4 тэрбум долларын хөрөнгийг буцаан татуулсных нь ТӨЛӨӨ;
ДӨРӨВ. Салхитын мөнгөний ордыг Төрийн мэдэлд авч, эдийн засгийн эргэлтэнд оруулснаар 207 мянга 800 ахмадын 6 сая төгрөгийн зээлийг төлж, 191 мянга 600 зээлгүй байсан ахмадуудад 1 сая төгрөг олгуулж, ар гэр нь төлбөрийн чадваргүй нас барсан ахмадын зээлийг чөлөөлж, баялгийн хүртээмжийг үлгэрлэж, ядарсан ардынхаа нурууг тэнийлгэснийх нь ТӨЛӨӨ;
ТАВ. Таван толгойн нүүрсний ордыг УИХ-аар хэлэлцүүлэлгүйгээр Хятадын Шинхуа, монголын МСS компанийн түншлэлд 100 жил хүртэлх хугацаагаар өгөхөөр санаархсан улс төр бизнесийн бүлэглэлийн луйврыг таслан зогсоож, иргэн бүр эх орныхоо баялагт эзэн болох боломжийг Х.Баттулга нээсэн. “Эрдэнэс таван толгой” ХК жил бүр 500 тэрбум төгрөгийг улсын төсөвт төвлөрүүлж, Шинэ төмөр зам зэрэг стратегийн бүтээн байгуулалтыг санхүүжүүлж, улсын хөгжлийн зүтгүүр болж байгаагийн ТӨЛӨӨ;
ЗУРГАА. Монголын хөгжлийг боомилж асан “нүүрсчин” бүлэглэлийн явуулгыг тасар татан “Шинэ төмөр зам” –ыг “цалинтай монгол цэргүүд”-ээр бүтээн байгуулж, нүүрсээ ачаад эхний тээврээ эхлүүлснийх нь ТӨЛӨӨ;
ДОЛОО. Оюу толгойн гэрээний ардах луйврын схемийг ил болгож, Дубайн гэрээний булхайг илчилж, УИХ-н гишүүн С.Ганбаатартай хамтран олон улсын шүүхээс нэхэмжлэлээ татуулахгүй байлгаж чадсан хүн нь Х.Баттулга юм. Үүний ачаар Монгол улсын Засгийн газарт “Рио Тинто” компани буулт хийн 2.3 тэрбум долларын өрийг хүчингүй болгосон. Баялагтаа эзэн байх боломжыг бататгасных нь ТӨЛӨӨ;
НАЙМ. Ерөнхийлөгч Х.Баттулга Монгол улсын Аюулгүй байдал, Тусгаар тогтнолыг бэхжүүлэх үйлсийг дипломат уран бодлогоор хэрэгжүүлж, гадаад харилцааг сүүлийн 30 жилд байгаагүй дээд хэмжээнд хүргэсэн. Үүнд:
а/ ОХУ-тай мөнхийн хөршийн найрсаг харилцааг сэргээж Стратегийн иж бүрэн Түншлэл байгуулсан.
б/ Ковид цар тахлын бэрх үед “30 мянган хонь” хятадын ард түмэнд бэлэглэж, монгол хүний тусч, хүнлэг чанарыг дэлхийд харуулж, БНХАУ-тай Стратегийн иж бүрэн Түншлэл байгуулсан
в/ АНУ-тай Стратегийн Түншлэл гэрээ байгуулсан.
г/ БНЭУ-тэй Стратегийн Түншлэл байгуулж, газрын тос боловсруулах үйлдвэр байгуулах хамтын ажиллагааг эхлүүлсэн.
ЕС. Үндэсний түүх соёл, өв уламжлал, Үндэсний үзлийг сэргээхэд оройлон манлайлж, 9 сарын 1-нийг “Эх хэлний өдөр “ болгон зарлигдаж, монгол бичгийн хичээлийг өөриөө биечлэн зааж монгол бахархал, үндэсний соёлыг зарлан тунхагласных нь ТӨЛӨӨ;
АРАВ. Цар тахлын хүнд нөхцөлд Хүүхдийн 100 мянган төгрөгийг олгуулж, өрх бүрт 1 сая төгрөгийн дэмжлэг үзүүлэхээр Засгийн газарт удаа дараа Зарлиг, даалгавар гарган шахсаар дэмжлэг үзүүлж чадсаных нь ТӨЛӨӨ;
ҮНДЭСНИЙ ХЭМЖЭЭНИЙ УДИРДАГЧ, БҮТЭЭН БАЙГУУЛАГЧ ХАЛТМААГИЙН БАТТУЛГЫГ АРДЧИЛСАН НАМЫН ДАРГААР СОНГОХЫГ НИЙТ ГИШҮҮДДЭЭ УРИАЛЖ БАЙНА.
В.Уранчимэг